Shillong, Rymphang 12: Mynta ka sngi ki pulit jong ka East Jaintia Hills District kila ioh ia ka jingtip ha ka por kumba lai baje noh phai sngi la don u wei u briew ba la tip kyrteng kum u Masoom Choudhary u la shah rah bor ha ki briew kiba ym lahb an tip u leit da ka Taxi ba don ia u number ML-11-7172.
Mar ia ioh ia kane ka jingtip na ka liang jong ki pulit ka East Jaintia Hills District kila pyntip sha baroh ki jaka bad kila khangkdong ia ki jaka rung jaka mih hapoh ka District bad ha ka por 4.30 baje noh phai sngi la ioh ban pynlait bad la ioh ruh ban kem ki 6 ngut kiba suba don kti ha kane ka kam rah bor.
Ha pdeng ka jingtohkit ki pulit kila sngewthuh ba u ba shah rah bor dei u nongkhaii drok, u ba shah rah bor la wan ban rah kawei ka synduk buh sabon ba don ia u drok ban ai ha uwei na ki nongrah bor bad haba la poi kila rah born oh bak ia u na ka jaka ba la ia kut.
Ki nongrah bor kila dawa san lak ban pynlait ia u na kti jong ki, ha dien ba la ngat ha kti ki pulit la pynlong ia ka jingtohkit bad la ioh ia ka synduk sabon na ka taxi ba ki shong kaba don ia u number ML-11-7172 bad la shimti da ki pulit ha ka jingsakhi ki riew shimet.
U drok bala ioh ban kurup u don 15 gram, nalor ka kali kaba la kem, la ioh ruh 6 tylli ki mobile phone, kiba la shah kem ki long u DamewanhiRymbai 28 snem, u Hilari Dkhar 24 snem, Wanmi Muksor 30 snem, u Deimon Shadap 29 snem, u Deibor Sutnga 31 snem, u Banjop Suklain 25 snem bad u Masoom Choudhary.
Na ka liang jong ki pulit kila register ejahar pyrshah ia kitei ki briew bad ka jingtohkit ka dang iaid ban lap na ei wan u drok bad ban shem ia kiba don kti ha kane ka kam khaii beain, la ong u SP ka East Jaintia Hills District.
