Shillong, Iaiong 19: U myntri rangbah ka jylla u Conrad K Sangma haba jubab ia ka jingkylli jong u Bah Adelbert Nongrum, u la iathuh hapoh ka iing dorbar ba mynta ka jylla ka don 125 ngut ki ophisar na ka kyrdan MCS.
U myntri rangbah u la iathuh hapoh ka iing dorbar ba ka don ka jingduna jong ki MCS ophisar dei halor kane ka jingduna jong ki ophisar ba ka sorkar kala bethah ia ka MPSC ha ka 6th Lber 2017 ba kan khot aplikoshon na na ka bynta 38 tylli ki ki kam kiba lait. U myntri rangbah u la ong ba shen ka MPSC kan sa khot ia ka aplikoshon.
Haba ia dei bad ka jingkylli jong u Bah Himalaya Shangpliang ha kaba ia dei bad ka LCS ha Dangngar, u myntri kam poh iing ka jylla u James K Sangma, u la ong ba ha Danggar kam don LCS, kaba don dei ha Balat, na ka liang jong u myntri u la pynshai ba ka kyrteng jong kane ka LCS ka dei Balat, hynrei ka jaka ka hap hapoh Dangngar.
Halor ka jingkyrpad jong u MLA ka Mawsynram ban pynkylla ia ka kyrteng na ka liang jong u myntri kam poh iing u la iathuh hapoh ka iing dorbar ba kane ka dei ka kam jong ka sorkar pdeng bad na ka liang jong ka sorkar jylla kan sa ia kren ia kane.
La iathuh hapoh ka iing dorbar ba kane ka LCS kam shym la trei kam shuh, hynrei la iathuh ba ka sorkar India bad ka sorkar Bangladesh kila ia kren ban pynimbiang ia kane ka LCS bad dang shen ka sorkar jylla lyngba ka tnad karkhana kala ai ia ka kaiphot sha ka sorkar pdeng ha kaba ia dei bad kane ka LCS.
