Shillong, Jylliew 26: Ka HYC Dangar Balat Border Circle mynta ka 25/06/2026, haka jing ialam i samla Marius nongsiej president bad Amshelties Shylla secretary, la pynlong ia ka Sier Lapalang Operation ban leit khynra trading licence bad work permit lane labours licence ia ki non tribers ha ki thain Border kum ha iew Balat ha Dangar hat bad kiwei de ki jaka ha thain Dangar, Balat.
Ha ka jing leit khynra trading licence, work permit lane labours licence jong ka seng ngi dap da ka jing sngew lyngoh haba tang iwei i dukan ruh ym don ba biang ki kot ki sla, ki don ki kot ki sla tang kiba lah kut lut ka por ym Shem la don ba lah dep pynthymmai ia ki trading licence bad work permit ki jong ki.
Ka seng ka sngew ban ai jingmut ia ka Executive committee jong ka District Council lyngba u Executive Member ba peit ia ka tnad khaii pateng ba kidei ban shim khia ha kaba iadei bad kane ka bynta.
Kum ka seng ngi phah ka khyrwoh ba shai sha ki paidbah ka dong ka thain, ka ri bad ka jaitbynriew bad kumjuh ruh sha ka EC ka KHADC lyngba u EM ba dei peit ia ka tnad khaii pateng, ba kum ka seng kila ai por la kumno kumno hapoh shibnai ban pyndep ia ka jingleit pynthymmai ia ki Trading Laisen bad ka work permit.
Na ka liang ka HYC kala ong ba lada kim lah ban pyndep ia ka jing leit pynthymmai ia ki trading licence bad work permit jong ki ha ka por ba lah buh ka seng hi kan shim da kiwei pat ki sien jam ba kham tyngeh.
