Shillong, Jylliew 26: Mynta ka Sngi ka Jaiñtia National Council JNC Central Executive Committee hapoh ka jingialam u President Rangbah Jong ka u bah Sambormi Lyngdoh ka la leit ban iakynduh bad u bah Kyrmen Shylla MLA ka Khliehriat uba long ruh u nongaibuid ka tnad Mining Geology Jong ka sorkar jylla ha kaba iadei bad ka Meghalaya Environment Protection and Restoration Fund (MEPRF).
Ka pisa naka bynta ban pynneh pynsah iaka mariang, bad khamtam ban ïarap ia kito ki lanot kiba shah ktah naka kam tih dewiong, ia kane ka pisa lah phah shna daka NGT hadien ka jingkhang ban tih dewiong ha u 2014.
Ka jingiakynduh mynta ka Sngi ka long shi bynta haka jingiadei bad ka kyndon Jong katei ka pisa ba shiphew persent naka kam khaii ia u dewiong naki shallan kadei ban rung shapoh katei ka bhah pisa naka bynta ban pyndonkam ban pynbha pynmiat iaki jaka bala jot la pra naka jingtih dewiong, bad kaba ar kadei ban ïarap iaki longing kiba shah ktah.
Haka jingbuddien Jong ka seng lyngba ka RTI lah lap bad pynglynngoh ruh iaka seng ba katkum ki jingkylli balah buh ba haduh katno ngut lah ioh iaki jingiarap bad kaei kaba ka mining and geology kala leh naka bynta kine ki briew, kaba pynsngewsih ka long baka jubab ka Ong “Not available”.
Mynta ka sngi daka jingsngewkhia naka bynta ki briew khamtam iakito kiba shah ktah kum ka seng ki la leit ryngkat bad ka jingthoh kila ai sha u nongai buid ka Mining and Geology ban kyrpad iaka sorkar jylla lyngba u bah Kyrmen Shylla ban bthah iaki District level committee ba kan leh ia kaba donkam da kaba wat bniah iakito ki long ing long sem kiba shah ktah bad ban ai ruh ka jingiarap lyngba ka MEPRF, bad kila lap ruh ba haduh 400 klur tam ka pisa na kane ka bhah ka don.
Dang ha kine ki Sngi ruh haba phai sha kawei naki jingiakynduh jong ki Association ba trei dewiong bad u Chief Secretary ka jyllaki iohi ba wat u chief secretary ruh ula ong haki ba don ka pisa Jong ka MEPRF naka bynta ban ïarap iakito kiba shah ktah naka kam tih dewiong.
Kajingkylli kaba ki buh ia u Chief Secretary bad ia u myntri ba peit ia ki marpoh khyndew ba balei ym shym la pyndonkam ban ïarap iakito kiba shah ktah, ka ioh ka kot kala hiar ha East Jaiñtia bad iaka jylla hi baroh kawei naduh bala khang ka jingtrei dewiong.
Ka JNC ka ong kaba kaba sngewsih ka long ba haba don ka bhah pisa balei kam iaid sha kaba dei ban iaid, hooid don ka jingpyndonkam iaka kum ban pynbha pynmiat bad ban pynim iaka mariang, bad ia kane ruh ngin sa tih bniah, hynrei ka phang kaba ki dawa iaka hok Jong kito kiba shah ktah naka kam tih dewiong.
Ha kane ka jingiakynduh na ka long jong u nongaibuid ka sorkar ula ai ka jingkular iaka seng ban un shimkhia ia kane ka kam bad ba un rah iaka sha u myntri ba dei peit ia ki mar poh khyndew bad ha kane ka jingiakynduh naka liang ka seng kala ban jur ba kan sa pynbor iaka sorkar jylla naka bynta ban pynioh iaka hok Jong u Paidbah.
