Shillong, Nailur 29: Ki shipai BSF kiba dei peit ia kane ka jylla Meghalaya kila shim ia ka khyndew na ki shnong khappud bad ka Bangladesh ban pahah sha Delhi na ka bynta ban shna ia ka ‘Amrit Kalash Yatra’ kaba mut jongtei mot na ka bynta kiba khlad ha ka jingaiti ban ialeh ban pynioh ia ka jinglait luid ka Ri.
Ka jingtei nam ia u mot sah kynmaw ia kiba la len lade da kaba aiti la ka jingim na ka bynta ka jingialeh ban pynioh ia ka jinglaitluid ka Ri, ia kane ka jinglum khyndew la sdang ha ka st Nailar 2023 ban kynmaw ia ka jingdap 75 snem ka jingioh lait luid ka Ri India ba dkane kala wanrah biang ia ka mynsiem ieit iala ka jong ka ri.
Ki shipai BSF kila shim ia ka kyndew na ki shnong ha khappud bad ka Bangladesh, na Lyngkhat, Pyrdwah, Umsyiem, Dawki, Kongwang bad kiwei na East Khasi Hills bad West Jaintia Hills districts. Ki paidbah nong shong shnong kila ia mih ban ia shim bynta da ka jingsngew ieit iala ka jong ka Ri.
