Jowai, Jylliew 21: Ka seng FKJGP jaintia hills mynta ka sngi dang step phyrngap kala kem ia kawei ka trok kit dieng lyntang ha jingkieng Mihmyntdu kane ka long katkum ka jingujor ba la ai da katei ka seng sha ki pulit ka West Jaintia Hills District.
Kane ka trok kaba la bat da ki dkhot jong ka seng FKJGP mynta ka sngi ka don ia u number AS01-DD-7867, katkum ka jingujor jong ka seng la ong ba kine ki dieng la ot khlem da ioh ia ka jingbit na ki bor jong ka ain bad la tar dieng kubit ha ki karkhana ot dieng kiba long beain. Na ka liang jong ka seng FKJFP ka kyntu ia ki bor jong ka ain ba leh ia kaba don kam.
U heh pulit jong ka West Jiantia Hills u R Mathu haba kren ha u SP News Agency u la ong ba ia kane ka kali la bat mynta bad ia ka kam la aiti sha ki ophisar jong ka Forest Depart ment namar kane ka dei ka kam jong ka tei ka tand sorkar.
