Shillong, Naiwieng 15: Ka tamasa Tri Hill kaba shitaiew lynter la sdang mynta ka sngi da ka jingiaid paidbah ban pyni ia ki riam tynrai jong kane ka jylla Meghalaya na ki dang bapher bapher kiba dei na kane ka jylla bad ki bym dei na kane ka jylla ruh kumjuh.
Kiba la wan ban ia shim bynta ha kane ka jingiaid paidbah ban pyni iala ki jong ki riam tynrai ki long ka shad riam khasi, shad Lahoo, ka riam tynrai na Ri Bhoi, ka riam tynrai na Hima Maharam, ka riam tynrai na ki thian war Shella, ka rian shad tynrai ki Garo bad kiwei ki riam na ki jylla kane ka thain shatei lam mih ngi.
Ia kane ka jingiaid paidbah la khaweh lama da u Chief secretary jong ka jylla ia kaba la sdang na phyllaw jong ka iing dorbar thawain ka jylla ha ka jingiadon lang u commissioner secretary ka tnad pynneh pynsah ia ka riti dustur jong ka jylla bad ki heh ka sorkar pdeng.
Kane ka tamasa kaba la sdang mynta ka sngi kam dei tang ba ki pyni ia ka riam tynrai, hynrei ha kine ki shitaiew kan dang jingpyni ia ki jingshet tynrai ha ba ia dei bad ka bam ka dih tynrai na ki dong bad ki thain bapher bapher, kane ka long ban pynneh pynsah ia ka thymmei.
