Shillong,Rymphang,28:Ka North East All India Radio Shillong mynta ka sngi ka la pynlong ia ka jingiarwai iatem iaput kaba la long ha So So Tham Auditorium ha ka jingiasnoh kti lang ka sorkar Meghalaya Art and culture.
Ha kane ka jingiarwai iatem ia put la ioh ban iashim bynta na baroh hynniew tylli ki jylla ki ba hapoh North East,kiba la rwai haka ktien lajong bad kumjuh ruh bad ha ka ktien phareng.
Kine ki nongrwai na kine ki hynniew tylli ki jylla ki la pyn shohbiej iabaroh ki paidbah nongsngap bad nong peitkai,kine ki samla ki don ia kata ka sap ban rwai ban tem ha ki bad ki jingrwai bad jingtem jong ki ki long kiba sngwtynnad bad kiba itynnad.
Bun ki paidbah kiba la ia wan ban sngap bad pynshongshit ha kane ka por,bad katba kine ki nongrwai ba tbit ki nangrwai ki paidbah baroh ki ia ang lyngngoh haba sngap ia ki jingrwai jongki.(SP News)
