Shillong, Nohprah 25: Baroh shityllup ka pyrthei kila rakhe ia ka sngi khas jong u Trai Jisu Khrist ha ka rukom kaba ishong kum khamtam ha kane ka nongbah Shillong ha kaba ki paidbah khristan kiba don ha ki jaid niam bapher bapher kika pynlong ia ki jingiaseng bad ka jinglehniam ka jong ki ban kynmaw kyrpang ia kane ka sngi Khristmas.
Na ka liang jong ka sorkar ruh kala pynitynnad ia ki ing ki sem jong ka da kaba pynphuh pynphing da ki light haki rong bapher bapher bad khamtam eh ia ka khyndai lad kaba dei ka jaka pdeng jong kane ka nongbah Shillong ha kaba kala khring ia ki paidbah tynmen bad khynnah ba kin leit ban peit I tynnad.
Katba iaid sharum shaneng kala sawa tang kawei ka sur ha kaba ki briew kila ai khublei Happy Christmas bad Merry Chrismas ryngkat ka jingai sngewbha sha la ki paralok par jor da ki kard khristmas bad kiwei kiwei ki jingai sngewbha kum ka jingrakhe ia kane ka sngi kaba khraw.
Ha ki iing name jong baroh ki jaid niam kila pynkhreh kyrpang bad ban pynitynnad ia ki iing mane da kaba pynphuh ia ki light ha ki rukom kiba bpher bapher . Ki khyllung bad ki khynnah ruh kila ia kmen ban poi kane ka sngi khristmas ban pdiang sngewbha ia ka jingwan long briew jong trai Jisu u nongpynim.
