Nongpoh, Risaw 24: Ka Pung Marngar ka dei kawei na ki jaka jngohkai kaba itynnad kaba jngai tang khyndiat kilometer na sor Nongpoh, hynrei ka jingsniew jong ka surok na Nongpoh sha marngar kala buh ia ki nongleit nongwan ha ka jingeh khamtam ia ki kali rit.
Ka jingsniew jong ka surok ka long tang na Surok bah na iew Nongpoh haduh shiteng lynti ban leit sha ka pung Marngar, wat la katei ka pung ka dei ka jaka jngohkai kaba itynnad hynrei ka jingsniew ka surok kala buh iaki nongleit nongwan ha ka jingeh.
Wat la sorkar Meghalaya kala shim ia ka kam jngohkai pyrthei kum kawei na ki lad ai kam ai jam ia ki briew hynrei ka jingbym lah ban pynbha kyrpang ia katei ka surok kala long ka dieng pynkiang ia ki briew ba kin leit sha katei ka pung marngar ban leit kai pyngngad.
Katei ka pung Marngar kaba don ha Ri Bhoi District ka dei ka jaka jngohkai kaba la pynbha da ka tnada jngohkai pyrthei ha kaba la pynitynnad ia ka bad la dep ruh ban ker sawdong bad ki briew kilah ban pyndon kam ia ki lieng ban shong kai pyngat, ka jingsniew jong ka surok ka buh ia ki nongleit nongwan ha ka jingeh.
Ki briew kiba leit kai sha katei ka jaka ki pynpaw ba ka sorkar ka dei ban pynbha ia ki surok khamtam ban poi sha ki jaka jngohkai pyrthei namar ki nongleit kam kin kham ia leit lada ka leit ka wan ka surok khamtam ki surok, la pynsngew kiba leit kai sha katei ka pung.
