Shillong, Iaiong 28: Ki pulit kila ioh ia ka jingujor na u bah Songstar Sahbong ha ka 25/Iaiong/2024 ba ka bike jong u kaba don ia u number ML-05R-8683 la shah tuh na Mawlai Umjaiur, Shillong h ka miet 24/Iaiong/2024, hynrei na ka liang jong ki BSF kila ioh bat ia kane ka Bike ha ka shnong Pyrdiwah khappud Bangladesh.
Ki thymmei khubor ki iathuh ba na ka liang jong ki pulit ki don ka jingsuba jur ba don ka kynhun nongtuh bike na kane ka jylla Meghalaya ban leit die sha Bangladesh, ka jinglap ia ki bike bala shah tuh na khappud bad ka thie ka ri kala pynsuba ba ka don ka jingiakhaii ia ki bike ba thuh sha Bangladesh.
Dng shen ki shipai BSF kila ioh bat ia kawei ka bike jan Huroi jong ka East Jaintia Hills bad la ioh ban kem ruh ia u briew na niah ba thmu ban rung sha Bangladesh bad haba la tohkit la shem ba kane ka bike ka dei na Assam.
Ki pulit jongka West Jaitnia Hills ruh dang shen kila lap ia ki bike ba la buh ha rud surok bad saw tylli ki byn don number bad kawei kaba don ia u number na jylla Assam ia kaba la wan shimti da ki pulit na Assam, kine kila pynsuba jur ia ki pulit ba imat don ki kynhun nongtuh bike ba shllan sha Bangladesh ia ki bike tuh.
