Shillong, Iaiong 27: Ka jingshna ban pynbha ia ka surok na Mawlai Mawtar sha madan Mawkhar ban poi sha Kad liengsuin ha Umroi kala suki sha ba plat ha kaba ki shnong kiba don ha shulynter kane ka surok kila shem jingeh ha ka leit ka wan.
Kane ka surok haduh mynta la poi sa ka por slap dang don ki jaka jaka kiba dang sdang ban siang mawria bad don ki jaka kiba la dep ban siang mawria bad la dep ban pynioh da ka kali Roller hynrei kane ka jingwan ka slap kala ktah ia ka jingshna surok.
Ki paidbah nongshong shnong katei ka thain kum ka Nongkohlew, Mawsiatkham ba dkiwei kila kynduh jingeh ha ka leit ka wan namar ka jingsuki palat haba pyntrei ia kane ka surok, na ka liang ki paidbah nongshong shnong ki kwah ban iohi ba ka jingtrei kam kham sted namar la wan ka slap.
Ka jingshna ia kane ak surok ka la dang naduh ki bnai Nohprah jong u snem 2024 ban siang rong ia kane ka surok namar ia kane ka surok la tip kum ka VIP Road namar ka leit sha kad liengsuin ha Umroi.
