Shillong, Risaw 22: Ka KSU Umran Diary Unit ha ka 22 tarik u Nailar 2021 ha ka jingialam jong u Vice President u Samla Rosterwell Mawlong mar mar khlem da pynslem mar syn ioh i ia ka jing jinjar jong kawei ka longing ha Umran kaba dang shu dep duh ia ka Kmie.
Katei ka sien jam ba lah shim da ka seng ka long hadien ka jing iohi ha Social Media shaphang u Heprit Christopher Warpde u ba dang 9 snem ka rta hynrei u hap ban bylla ban bah bad bsa ia ka ing ka sem na ka daw ka jingkhlad i Kmie bad ka jingban ka jingshitom u Kpa.
Da ka Mynsiem sngewlem bad ka Mynsiem iarap paradoh parasnam,ka seng khlem da pynslem ka lah leit ban jngoh ban pynoh ki kyntien sngewlem,ki kyntien pyrsad Mynsiem khnang ba kin nym duh jingkyrmen bad ba kin long kiba iaishah bad ha kajuh ka por ka seng ka lah Kitbok kitwriang ruh ia u Heprit Christophe Warpde bad kumjuh ia u Kpa jong u ba yn ioh noh ha ka met kaba shait kaba khlain.
