Synran u MLA ka Shella ba leit kyrpad ka Elaka Sohbar na u Conrad ban ai Mining ia  ka KLMC

Shillong, Nohprah 19: Ha kine ki khyndait sngi hapoh na ka liang jong  ka Sirdarship jong ka Elaka Sohbar ka ba hapoh ka jingialam jong u bah  I. S. Japang, Acting Sirdar, Sohbar Sirdarship, bad hapoh ka jingiadonlang jong u MLA ka Shella Constituency ubah  Balajied Synrem, bah  Peter A. Dohkrut nong ai buid kila leit ban ia kynduh I u Mytnri Rangbah ka jylla ban ia kren halor Kommorah Limestone Mining Company LTD (KLMC).

Ha kane ka jingleit kiwei kiba la ia don lang ki long   u bah  K. S. Kharshiing, Secretary jong ka Elaka Sohbar, u bah  lashai Buhpang, Asst. Secretary Elaka Sohbar, u bah  Shongdor Khongsit, Auditor jong ka Elaka Sohbar ha kane ka jingiakynduh  la aiti ia ka dorkhas  kaba iadei bad ka issue mining jongka Kommorah Limestone Mining Company LTD (KLMC).

Ka Elaka Sohbar da ka jingsngewkhia ka la leit iakynduh ia u Chief Minister mardor hadien ba ka la iohi iaka khubor kaba 29 tarik u November 2021 ba ki nongialam jong ka ri Bangladesh ki la leit ia kynduh ia u Chief Minister ka Sorkar Meghalaya ban kyrpad ban pyllait noh iaka clearance, mining lease jong ka Company KLMC.

Ka Kommorah Limestone Mining Company LTD (KLMC) ka shim wai ia ka par maw mawshun na ka Elaka Sohbar naduh ki por mynshwa hynrei ka la iaid lait pat na bun ki kyndon jong ka Elaka Sohbar hadien ba la ia pynbeit na ka wei ka por sha kawei pat.

Te kumta halor ka jingiakynduh ki nongialam sorkar ka Bangladesh ia u Chief Minister khlem da kynjoh ktien ia ka Elaka Sohbar ka la long kaei kaei ka bym sngewtynnad bad ka bym lah ban pdiang namar ba ka Elaka Sohbar ka dei ka trai jaka bad ka Company kam lah ban leh katba mon.

Hadien ba lah ia kynduh ia u Chief Minister ryngkat ka jingiadon lang ki Officer ka Forest Department bad jong ka Director of Minerals Resources ngi lah ioh ka jingpynshai na u Myntri Rangbah ba ka Kommorah Limestone Mining Company LTD (KLMC) ka donkam ban ioh da ka mining lease ba thymmai.

Ha kane ka jigniakrwn la pynshai ba ka jaka ba ka dei ban dei ioh tang hapoh ka 24.09 hectares bad u la iathuh ruh ba baroh ka jingiatehkular ka kot aiwai ki ba la dep ne hashwa ki la iap lut. Ha ka jingiakren lah mynjur ruh ban leh ka joint inspection halor ka “Proposed Mining Lease Area” da ki Officer sorkar Meghalaya ryngkat bad ki bor jong ka Elaka Sohbar bad la buh iaka sngi haka 9 tarik u December 2021 ban leh iaka ba donkam.

Lah mynjur ruh haka meeting ba ka office Director of Minerals and Resources (DMR) kam dei ban thlia ne objek ia kino kino ki mining lease jong ki riew shimet da ka ba pynhap bad pynkam jubor hapoh ka Mining lease area barim kaba dei 240.55 hectares ka ba la ai mynshwa sha ka Kommorah Limestone Mining Company LTD (KLMC), namar katkum ka ain bad ka jingpynbeit ba thymmai ka jingai wai jaka sha ka Company kan long tang hapoh 24.09 hectares bad ym palat.

La don ruh ka jing mynjur na baroh ki liang ba iaka NOC ym lah ban ai ha ka kyrteng ki riew shimet kiba dei ki nong mihkhmat jong ka Company hynrei dei ban ai beit ha ka kyrteng jong ka Company.

Te kumta ka Elaka Sohbar ka la mynjur ban ia trei lang na ka bynta ka jingbha jingmiat ka thain bad bad la kubur ruh ba ka Company ka dei ban bud ryntih ia baroh ki jingpyniaid jong ka Elaka Sohbar bad ka State Government khlem da don ka jing iaid lait nangno nangno ruh, ia ka dorkhas kaba la ai ha ka 7/12/2021 la soi da u Acting Sirdar bah IS Japang jong ka Sohbar Elaka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet