Shillong, Jylliew 17: Mynta ka sngi ka ophis jong u Syiem ka Hima Mylliem kala pynlong ia ka jingialang bad ki nongdie madan kiba juh die man ka sngi ha Iewduh ban ia kren namar naduh la shai ka sngi la shah ia ki nongdei madan ba kin sdang die noh ha Iewduh.
Haba pynshai sha ki nongdei madan ha ka jingialang kaba la long ha Iew Dielang ha ka jigniadon lang ki Magistrate, u myntri Kharlukhi u la pynshai ba kane ka jingshah ban sdang die madan ha iew duh kan long naduh la shai ka sngi bad kin long tang ia kito kiba la don kyrteng bad ha Hima Mylliem.
Katkum ki kyrteng kiba la don bad ka Hima ki don 550 ngut baroh, na ka liang jong ka Hima kala pynbeit ba ha ka sngi shi yn shah ban shong 180 ngut, da kaba ai jingdeng A, B bad C, la kyntu ia ki nongshong iew ba lada ki don kiba wan shong tang ba ki bym don kyrteng pyuntip ban nym shah ia ki. Ka jingpynbeit ia ki dukan ban plie ruh ka long katkum ki jingbthah.
Na ka liang jong u myntri Kharlukhi, Myntri Sohtun, Myntri Langstieh kila bun jur ba ki nongshong iew baroh ki dei ban bunrom ia ka jingbthah jong ka sorkar ban lait na ka jingshah khang biang, pynlong ia ka Iewduh kum ka jaka kamai ym ka iing ban ia leh katba mon.
Na ka liang jong ka Hima kala shim khia ban ioh biang ia ka jingbit na ka sorkar ban plie ia ka Iewduh bad ka sorkar mynta kala sngap ia ka jingkyrpad kumta kum ki nongshong iew dei ban burom ia kaei kaba ka sorkar kala bthah khnang ban lait na ka jingshah khang biang.
Na ka ophis jong u Syiem ka hima mylliem ka kyrpad ia ki paidbah ba wan ban shong iew ba kin sngewbha ban ai Tikan na ka bynta ka jingshngain ia lade bad ka iing ka sem, namar lada kim ai tika kaba buh jingma nyngkong ia lade bad ia ka iing ka sem, la kyntu ba kin ai tika.
