Shillong, Rymphang 28: Ki lai tylli ki seng riewlum ha KHADC, ka HSPDP, UDP bad ka KHNAM mynta ka sngi kila ia kynduh lang bad kila shim ia ka rai ba kin ia treilang hapoh jong ka KHADC. Ha kane ka jingialang kila thaw ia ka All Regional Parties Alliance (ARPA) bad la jied ia u Bah Ardent Miller Basaiawmoit kum u nongialam jong ki ban long u CEM ba thymmai ha KHADC.
Ha kane ka jingialang la jied ruh ia u symbut nongialam na ka UDP ban long u Deputy CEM, u Bah Teinwell Dkhar. La shim ruh ia ka rai ba ka kam Chairman hapoh ka iing dorbar kan leit sha UDP.
Ha kane ka kynhun ARPA ki MDC baroh ki don 17 ngut, ka HSPDP ka don 7 ngut, ka UDP 6 bad ka KHNAM ka don 4 ngut. Ban ioh ia ka jingsynshar hapoh ka iing dorbar kaba 30 don kam ban don ia ka jingbun paid kaba 16 ngut.
Ha kane ka jingialang la jied ia u Bah Latiplang Kharkongor na ka KHNAM ba yn long u secretary jong ka ARPA. (SP News)
