Kaziranga, Kyllalyngkot 11: KaInland Waterways Development Council (IWDC), ka jingialang kaba halor tam kaba iadei bad ki polisi kiba iadei bad ka jingkyntiew bad jingpyniar ia ki lad ka leit ka wan lyngba ki jaka shong um jong ka India ka la sakhi ia ki jingpynbna kiba heh ban kyntiew ia ki jingdon jingem ha ki jaka shong um.
Ka jingialang kaba ar jong ka IWDC, kaba la pynlong da ka Inland Waterways Authority of India (IWAI), ka kynhun kaba pyntrei ia ka jingkyntiew ia ki lad ka leit ka wan lyngba ki jaka shong um hapoh ka tnad Ports, Shipping & Waterways (MoPSW), ka la pynbna ia ki jingbei tyngka kiba palat T 50,000 klur ha kine ki san snem ban wan.
Ha kaba iadei bad kane, la pynbnaia ki sienjam ba thymmai ha 21 tylli ki jylla ba don ki lad ka leit ka wn lyngba ki jaka shong um kiba palat T 1400 klur. Ia kane ka jingialang la pyniaid da u Myntri Sorkar Pdeng ba dei khmih ia ki tnad Ports, Shipping & Waterways, Sarbananda Sonowal.
Ka IWDC ka la sdang da ka jingthangia ka sharak da u Myntri Rangbah ka jylla Assam, DrHimantaBiswaSarmaha ryngkat uMyntri Sorkar Pdeng ba dei khmih ia ki tnad Ports, Shipping bad Waterways, Sarbananda Sonowalha Kohoraha Kazirangamynta ka sngi.
Kane ka jingialang ka la sakhi ruh ka jingiashim bynta u Myntri Khynnah ka tnad PSW, Shantanu Thakur, u Myntri ka tnad Portsjong ka Goa,Aleixo Sequeira, u Myntri ka tnad kam ka leit ka wan jong ka Assam, Jogen Mohan;u Myntri ka tnad kam ka leit ka wan jong ka Manipur, Khashim Vashum.
U Myntri ka tnad kam ka leit ka wan jong ka Jammu & Kashmir, Satish Sharma; u Myntri ka tnad kam ka leit ka wan jong ka Mizoram, PuVanlalhlanabad u Myntri ka tnad kam ka leit ka wan jong ka Arunachal Pradesh, OjingTasingha ryngkat kiwei kiwei.
Ka IWDC ka la thmu ban wanrah ia ka Riverine Community Development Scheme ban kyntiew ia ka ioh ka kot bad ka imlang sahlang ha ki thain khapduriaw da kaba kyntiew ia ki jingdon jingem, ka jingkyntiew ia ka khaii pateng bad ka kam jngohkai ha ki jaka rudwah, ka jingai jinghikai bad ka jingkyntiew ia ki jingstad tynrai jong ki briew kiba sah ha ki jaka khapwah ha ka jingpyrshang ban kyntiew ia ka jingim jong ki briew kiba sah ha ki jaka ba marjan ia ki National Waterway.
Ha ka jingai jingkren, u Myntri Sorkar Pdeng ba dei khmih ia ki tnad Ports, Shipping & Waterways, SarbanandaSonowalu la ong, “Ka IWDC ka la pynskhem shuh shuh ia ka jingiatreilang hapdeng ka Sorkar Pdeng bad ki Sorkar Jylla namar ki ka iamir jingmut, iakren bad iatainia shaphang ki bynta bapher bapher jong jingpynkhlain ia ki lad ka leit ka wan lyngba ki jaka shong um.
Naduh ki por hyndai, ki lad ka leit ka wan lyngba ki jaka shong um ki long kiba kongsan na ka bynta ka imlang sahlang. Hynrei ka jingkyntiew ia kine ki lad ka dei kaba khlem peit haduh u 2014. Hapoh ka jingialam jong u Myntri Rangbah Duh Narendra Modi, ngi dang pyrshang ban khyllie im biang ia ka jingkyrshan jong ki lad ka leit ka wan lyngba ki jaka shong um khnang ban pynkylluid ia ki rel bad ki surok bad ha kajuh ka por pynbiang ia ka lad ka leit ka wan kaba seisoh, kaba jemdor bad kaba iaineh ia ki briew bad ruh ia ka kam pynkit tiar.
Ha ka IWDC, ngi la wanrah ia ki jingpynbeit ia ki jingeh ha ka jingpyrshang ban plie ia ki lad na ka bynta ka jingkyntiew ia ka ioh ka kot. Ha kaba iadei bad kane, ngi la thmu ban pyllait paidbah 1000 tylli ki lieng ki bym pynjabohia ka mariang.”
Ha ka IWDC, u Myntri Sorkar Pdeng SarbanandaSonowalu la pynbna ia ki sienjam kiba don ka jingbei tyngka kaba palatT 1400 klur ban kyntiew ia ka rynsan ki lad ka leit ka wan lyngba ki jaka shong um ha 21 tylli ki jylla jong ka ri.
Ha ka jingpyrshang ban wanrah ia ka jingsuk ha ka jingpyniaid ia ki lieng ha ki jaka shong um hapoh ka ri bad ban pynthikna ia ka jingshngain, la sdang ia ka National River Traffic & Navigation System (NRT&NS) has been launched.
Ki trai jong ki lieng kiba pynkit mar ha ka rukom kaba seisoh tam ki la ioh khusnam na ka bynta ka jingseisoh ha ka rukom pyndonkam ia ki National Waterway ban pynkit ia ki mar. La sdang ia ka Central Database Module & Issuance of Certificates da ka jingthmu ban pynsuk ia ka jingai syrnot ia ki trai lieng.
Ha ka jingbatai shaphang ka jingpeit bniah ka IWDC ia ka jingpynmih lad ioh kam bad ka jingai jinghikai, uSarbanandaSonowalu la ong, “Ngi la wanrah ia ki projek na ka bynta ka jingkyntiew ia ki lad ka leit ka wan mynta ka sngi ha kane ka jingialang. Ban tei ia ki lad ka leit ka wan kiba khlain ha ka ri, ka Sorkar ka dang thmu ban pynbiang ia ki jaka shna bad maramot ia ki lieng ha baroh ki NW.
Kane kan pynduna ia ki jinglut jingsep, bad kan kyntiew ia ki karkhana ba iadon bynta ha kane ka kam, bad pynshlur ia ka jingai bynta ia ki briew kiba sah ha ki jaka kiba marjan bad ki jaka shong um lyngba ka jingplie lad ioh kam.
Ha ryngkat ki khyndai tylli ki Regional Centre of Excellence (RCoE) ban ai jinghikai ia ki briew bad pynshlur ia ka jingsaindur thymmai bad ka jingwad bniah ha ki kam kiba iadei bad ki duriaw, ki kam kiba iadei bad ka leit ka wan lyngba ki jaka shong um kiba la wanrah da ka Tnad Sorkar, kin wanrah shuh shuh ki CEO ha baroh kawei ka ri.”
Da kaba kdew sha ka jingkiew ki lad ka leit ka wan lyngba ki jaka shong um ha ka ri, u SarbanandaSonowalu la ong, “Ha une u snem mang tyngka haduh u Iaiong haduh u Naiwieng 2024, ki National Waterway ki la don ka jingkiew kaba jan ia ka 7% haba ianujor bad u snem ba la dep.
Ha ryngkat ka thain shateilammihngi, ka jingkyntiew ia ki National Waterway ha kylleng ka India ba kynthup ia ka NW-3, NW-4, NW-5 bad 13 tylli ki National Waterway ba thymmai ka dei kaba dang pyntreikam ha ka jinglut jingsep kaba T 267 klur. Ka la don ka jingkiew shaphrangha kine ki shiphew snem ba la dep ha kaba iadei bad ka jingleitjngohkai lyngba ki wah.
Ki lieng kiba pyndonkam ha kane ka kam ki la kiewna ka 3 tylli ha u 2013-14 sha ki 25 tylli ha u 2023-24. Dang shen ngi la pyllait paidbah ruh ia ka ‘Cruise Bharat Mission’ ban kyntiew ia ka kam jngohkai lyngba ki lieng ha India ha kine ki san snem ban wan, kaba thmu ban pynbiang 10 tylli ki jaka kiew lieng ban leitjngohkai ha ki jaka duriaw, 100 tylli ki jaka kiew lieng ban leitjngohkai lyngba ki wah bad san tylli ki marina.
Lyngba ki projek ha ki thain bad ki jingiakut bad ki ri ba marjan kum ka Bangladesh, Nepal, Bhutan, Myanmar bad kiwei kiwei, ngi dang plie lad ia ka khaii pateng bad ka jingsuk ha ka leit ka wan ha ka thain South Asia.”
Na ka bynta ka thain shateilammihngi, u Myntri Sorkar Pdeng, SarbanandaSonowalu la pynbnaia ka jingsdang ia ka Regional Centre of Excellence (RcoE) haDibrugarh. Ka jingthmu jong kane ka jaka treikam ka dei ban wanrah ia ka jinglong jingman ban ai jinghikai ia ki briew ha ki kam ka leit ka wan lyngba ki jaka shong um ha ka thain shateilammihngi kaba pynshlur ia ki jingsaindur thymmai.
Ka building IWAI ha Dibrugarh ka dei kaba la jied ban pynthymmai biang bad ban khyllie im ia ka nam jong ka. U Sonowal u la pynbna ruh ia ka jingsdang ia saw tylli ki jaka kiew lieng ia ki nongjngohkai ha BiswanathGhat, NeamatiGhat, SilghatbadGuijan.
Yn shna ia ka surok ba thymmai kaba 500 meter hapdeng ka jaka maramot lieng kaba dang shna bad ka Pandu Port ha Guwahati. U Sonowalu la pynbna ruh ia ka jingsaindur, jingshna, jingpynbiang, jingpyrshang bad jingpyntreikam ia 12 tylli ki lieng bad kawei ka lieng na ka bynta ka kam wad bniah ha ka wah Barak (NW16). La rai ruh ban thied ar tylli ki Steel pontoon ban pynbiang ia ka jaka kiew lieng hapoh ka skhim ba bei tyngka da ka Sorkar Pdeng.
Na ka bynta kaMizoram, la rai ha ka IWDC ban pynkhreh ia ka DPR ban pynbiang ia ka lad ka leit ka wan ha ka wahTlawngbad ka wahChhimtuipui. La rai ban tei ia ki jingdon jingem kiba iadei bad ki lad ka leit ka wan lyngba ka wahKhawthlangtuipui – TuichawnghaLunglei District ha kaba yn pynbiang ar tylli ki jaka kiew lieng bad ar tylli ki lieng kit briew.
Na ka bynta kaNagaland, ka Sorkar ka kwah ban kyntiew ia ki kam ialehkai ha ki jaka shong um bad ka kam jngohkai ha NounebadShilloi Lake. Ka jingpynkhrehia ka DPR ka dang iaidshakhmat ha kaba iadei bad kane. Ha kajuh ka por la pyrkhat ban pynbiang ia ka DPR na ka bynta ki lad ka leit ka wan ha ka Doyang Lake kumba la pyntip ha ka IWDC.
Ha kaba iadei bad ka roi ka par ha ka thain shateilammihngi, uSarbanandaSonowalu la ong, “Ka jingkongsan jong kane ka thainka paw lyngba ka jingbei tyngka kaba bun kaba palat T 1000 klur ha Assam ha kine ki snem ba la dep na ka bynta ka jingkyntiew ia ki kam kiba iadei bad ki lad ka leit ka wan lyngba ki jaka shong um.
Ki projek kum ka jingkyntiew pura ia ka NW-2, ka jaka maramot lieng ha Pandu, ka jingkyntiew ia ka jaka kiew lieng ha Bogibeel,ka jingpynbiang ia ki la ka leit ka wan sha Panduki dei katto katne ki projek ba la sdang.
La thmu ruh ban wanrah shibun ka jingbei tyngka ban kyntiew ia ki lad ka leit ka wan lyngba ki jaka shong um ha ka thain shateilammihngi kaba long ka dak jong ka jingkongsan jong kine ki lad na ka bynta ka roi ka par bad ka jingkiew ka spah.”
Da ka jingthmu ban kyntiew shuh shuh ia kane ka roi ka par, la sdang ia ka skhim ‘Jalvahak’ ban ai jingmyntoi haba pynkit mar lyngba ka NW 1 (wah Ganga) ka NW 2 (wah Brahmaputra) bad NW 16 (wah Barak).
Hapoh kane ka skhim Jalvahak, ki lad ka leit ka wan hapdeng ka Kolkata – Patna – Varanasi bad ka jingwanphai ha ka NW 1 bad hapdeng ka Kolkata-Pandubad ka jingwanphai ha ka NW 2 lyngba ka IBPR ka dei kaba la sdang ban pyntreikam. Kane ka skhim kanpynkupbor ia ki nongpyniaid lieng bad pynshlur ia ki kynhun kiba trei ha ki kam khaii pateng lyngba ka jingpynthikna ia ka jingshngain bad ka jingsted ha ka jingpynpoi ia ki mar ha ka dor kaba jem.
Naduh u 2014, ka la don ka jingkiew kaba 767% ha ka jingdon ki national waterway ba la pyntreikam bad ka jingkiew kaba 635% ha ki mar ba pynkit lyngba ki NW.
Kane ka la jia namar ka jingkiew kaba 233% ha ka jingbei tyngka na ka bynta ki national waterway haba ianujor bad ki snem ba la dep shuwa u 2014. Ki kam ka ain kum ka jingpyntreikam ia ka National Waterways Act 2016 badInlandVessels Act 2021 ki la pynurlong ia ka jingshngain bad ka jingsuk ban pyniaid ia ki lieng ha kylleng ka ri.
Ka Inland Waterways Development Council (IWDC) kaba la sdang ha u 2023 ka dei ka sienjam ban shim lutia ki lad ka ioh ka kot na ki jaka shong um, bad kane ka donkam ia ka jingiatreilang kaba khlain bha hapdeng ki Sorkar Jylla bad ka Sorkar Pdeng.
