Shillong, Risaw 20: Ka seng na rilum Garo ka Achik Conscious Holistically Integrated Krima (ACHIK) kala thoh sha u Deputy Inspector ki pulit ba dei peit ia ka thain Garo Hills ha kaba kila kyntu ban khang lad ia ki kam khaii beain, kum ka khaii masi bad drok.
Ha ka shithi kaba kila thoh ka tei ka seng kala ong ba ki don ka jingsngew khia kaba jur bha ban ioh ba ka don ka jingiakhaii masi beain sha Bangladesh, ka don ka jingkhaii drok ha ki bynta kiba ia jan bad ka jylla Meghalaya.
Kane ka jingia khaii beain kan ktah ia ka shong suk shongsain bad ia ka ioh ka kot jong ki paidbah, ia ki nongrep bad kum juh ia ki nongkhaii bad ha kaba kut kan ktah ia ki paidbah ha ka kamrai kajih.
Na ka liang jong ka seng ka ai jingmut ia ki pulit bad ki BSF ba kin ia treilang ban khanglad ia ki kam khaii beain sha Bangladesh, ban pynlong ia ki jingpynshai paidbah ha ki shnong ha khappud bad ka thie ka ri ia ka jingma na ka jingiakhaii beain.
Ka seng ka ong ba dei ban kham pynkhlian shuh shuh ia ka jingpahra ha khappud bad ka jingia treilang ki pulit bad ki BSF ha khappud Bangladesh da ka jingiadon lang ki trai shnong kiba don ha khappud.
Ba ki nongkhaii beain kin sangehnoh ia ki kam khaii beain lada ban ai jingkyrshan ba kin seng noh da kiwei ki kam bad ban ia treilang bad ki shnong ki thaw ban khanglad ia ki kam khaii beain ha Garo Hills bad ban kyntiew ia ka ioh ka kot ki paidbah da ka jingiatreilang.
Ia kane ka jingthoh kila ai ruh sha u Deputy Inspector ki BSF, ia kane ka shithi la soi da u Kebil A. Sangma President Krima Council, u Brejio M. Marak Co-Chairman South West Zone Shri. Hamrash N. Marak Chief Organizing Secretary Krima Council bad kiwei kiwei de.
