Shillong, Iaiong 30: Mynta ka sngi u Genenral Secretary ka seng HYC u bah Roy Kupar Synrem seng kmie bad u samla Mandor Diengdoh Swer General Secretary HYC ka shnat NEHU, kila phah da ka jignthoh sha sha u Vice Chancellor ka skul bah dan dawa ba ia ka kam Professor hapoh ka skul bah dei ban thung ia ki trai jylla.
Ka seng kala ioh jingtip ba mynta ka skul bah ka khot thung kam ha ka kyrdan Professor ban hikai hapoh ka skul bah bad Assistant Professor, ka seng ka dawa ba dei ban thung ia ki Khasi bad Jaintia kiba la biang ban poi sha katei ka kyrdan kiba la pynbiang ia ki kyndon kiba la buh.
Kumba ka long mynta ki duna bha ki khasi bad ki Jaintia kiba hikai ha katei ka skul bah ha katei ka kyrdan Professor bad Assistant Professor wat la kila bun ki nonghikai na kane jaidbynriew Khasi bad Jaintia kiba la bit ban poi sha katei ka kyrdan, ka seng kala kyntu ia u VC ka NEHU ban kham pyrkhat ia ki Khasi bad Jaintia.
Ka seng HYC ka ioh ba kane ka bynta ka dei kaba la leh klet, lada don kano kano ka jingbun iaid beit ka seng HYC ka kloi ban pynlong ia ki jingiakhih katkum ki kyndon ain kiba shah ban leh. Ka seng ka khmih lynti ba ki bor pyniaid ia ka NEHU kin leh ia kaba don kam.
