Shillong, Jylliew 15: u bah Titosstarwell Chyne CEM jong ka KHADC mynta ka sngi u la phah da ka jingthoh sha u Myntri rangbah ka jylla u Conrad K Sangma ban kyntu ia ka sorkar ban siew noh ia ka ba dei jong ki ASHA.
Ha ka shithi u CEM u la ong ba kiba trei ASHA kila kynduh ia ki jingeh namar ka jingbym siew thik na ka sorkar ia kaei kaba ki dei ban ioh.
U CEM u la pynkynmaw ba ia ki ASHA la jied da ki shnong ban trei bad iarap ia ka tnad ka koit ka khiah ha ki shnong ki thaw, ki long ki ksiang hapdeng ki paidbah bad ki long ki nongai jingtip ha ki shnong ki thaw.
Da ka jingwan Kane ka khlam ka sorkar kala tynrong shuh shuh ia ki kam ha ki ASHA ha Kane ka jingiakhun pyrshah ia ka khlam COVID-19 bad ha ki shnong dei ma ki ba leit ban peit bad sumar ia kiba pang.
Ki ASHA ki long shisha ki nongtrei kiba trei shitom ha ki shnong ki thaw, hynrei ka jingbym siew thikna ia ki kala buh ia ha ka jingeh ban peit ia ka iing ka sem, na ka liang u CEM ka KHADC kyntu ia ka sorkar ban siew ia ka bainong ki ASHA.
