Shillong, Nohprah 06: U Chief Executive member jong ka KHADC u bah Titosstarwell Chyne mynta ka sngi u la phah da ka jingthoh sha u mytnri kam poh iing u bah Lahkmen Rymbui ban kyntu ia ka sorkar ba kan buh ia ka Border Out Post ha Umtlieh, Umlaper lane ha Ummat, kiba hap hapoh ka Raid Nongtung.
Ha ka shithi kaba la phah sha u mytnri kam poh iing u CEM jong ka KHADC u la ai khublei ia ka rai jong ka sorkar ban buh ia ki BOP ha kylleng ki bynta kiba ia khap bad k jylla Assam ban ai ka jingiada bad ka jingshngian ia ki paidbah kiba shah ha khappud bad ka jylla Assam.
Ha ka shithi la kdew ba u la ioh ia ka jingthoh na ki synjuk ki rangbah shnong katei ka thain kiba dei na ka Raid Nongtung bad kum juh na ka Raid Tyrso kiba dei na Ri Bhoi District bad na ka Raid Thadrang bad Raid Tyrso ki pyrshah ia ka jingbuh ia ka Border Out Post ha katei ka jaka, hynrei ki kwah ba ka sorkar kan buh ha Umlaper, Umtlieh lane ha Ummat.
Ha kane ka shithi kaba la phah la kytu ruh ia ka sorkar ba ka dei ruh ban buh kham bun ki pulit ha katei ka thain ryngkat ka jingai lang ia ki tiar kiba don kam ban ai ka jingiada ia ki paidbah katei ka thain.
