Shillong, Naitung 04: U Lat jong ka jylla u Satya Pal Malik mynta ka sngi u la thoh da ka shithi sha u myntri kam poh iing ka sorkar pdeng u Amit Shah halor ka jingkhlad ba phylla jong ar ngut ki briew na Dimapur na ka jylla Nagaland, ka Rosy Sangma bad u Samuel Sangma ha Gurugram.
U Lat jong ka jylla u la shim khia ia kane ka jingjia ha dien ba u la iohi ia ki jingthoh ha ki lat pathai khubor ba kila don ar ngut kiba khlad kiba dei na kane ka dong ka thai shatei lam mih ngi jong ka Ri India kiba la khlad ha Gurugram.
U Lat jong ka jylla un sa ia kren ia kane ka jingjia kaba sngewsih bad u myntri kam poh iing ka sorkar pdeng ba ka dei ban don ka jingthohkit bad ban pynthikna ba dei ban pynioh ia ka jingbishar ba kin ioh ia ka hok jong kine kiba shah pyniap. Kane ka long katkum ka kyrwoh kaba la phah ha Raj Bhavan mynta ka sngi.
