Shillong, Jylliew 10: U Lat jong ka jylla u Satya Pal Malik la pyntip ba u la ioh pdiang ia ka shithi na u Comptroller bad Auditor General jong ka Ri India ha ka 8th Jylliew 2022 halor ka jingong ba ki District Council ha ka jylla Meghalaya kim shym la ai ia ka jingkhein jingdiahha kaba ia dei bad ka jingpynlut pynsep ha kine ki khyndiat snem bad ka jingbym leit rah ia ka kaiphot jong ka CAG hapoh ka iing dorbar jong ki District Council.
Halor katei ka shithi na ka liang jong u Lat ka jylla u la iakren ia kane ka kam bad u myntri rangbah ka jylla u Conrad K Sangma lyngba ka phone bad u la phah ruh da ka shithi sha u myntri rangbah ka jylla bad ha kane ka shithi u la kyntu ba dei ban pynthikna bad ban pynbeit ia ka jingbuh jingkhein bad la don kam ban tukla ia kane ka kam na ka liang u myntri rangbah.
Na ka liang jong u Lat ka jylla ha ka shithi kaba u la thoh u la ong ba lada don kam ban phah tohkit hap ban leh ha dien ba la ia kren bad u myntri rangbah ka jylla lada don kano kano ka jingleh bakla na ka liang jong ki District Council bad la don kim shym la bud ia ki kyndon. Kane ka long katkum ka kyrwoh kaba la phah mynta ka na Raj Bhavan Shillong.
