Shillong, Nailur 09: Ka jingthung ia ki signboard kadei ka jing iai bteng iaka jingiakhih halor ka ka jing dawa ILP, ban pynbeit ia u pud u sam , ktien khasi bad ban pyntreikam kloi noh ia ka MRSSA
Ha ka 9 tarik u Nailur 2021 ka KSU North Khasi Hills District unit lyngba ki shnat treikam bapher ba pher ka la leit sieh da ki signboard sha ki bynta khappud ban pynpei shkor ia ka jing kyllut ka Sorkar ia ki mat jingdawa ka Jaidbynriew.
Ka KSU Western Border area ha ka jingialam U Samla Receive Pator President ka la ioh ban pynieng iaka signboard ha Balakhawa ka ba hap ha khappud bad ka jylla Assam bad ruh hapoh ka jingialam u Samla Lumjingshai Sancley General Secretary Western Border Area .
Ka seng kala ioh ban pynieng iaka signboard ha Iew Mawroh ka ba hap ha khappud Assam bad ka kaba hap ha Hima Jirang.kane la long ban pynkynmaw iaka jingdawa ka seng sha ka sorkar halor ka ILP.
U Pud U Sam- kum ban shu pyntip ba ka Balakhwa ka hap hapoh ka jingpeit jingkhmih jong ka Hima Nongspung ha kaba ka assam ka ju iai kyntur pud naka por sha ka por khamtam ban ioh pyntrei ia u surok.
Ha kane kajuh ka sngi ka KSU Pahammawlein Arphew mer Circle hapoh ka jingialam jong u Samla Khrawbor Sylliang President bad hapoh ka jingiadon lang u Samla Lambok Rymbai General Secretary NKHD Unit, lah ioh ban sieh iaki signboard ha Umling Entry Point ban dawa naka sorkar jylla bad sorkar pdeng iaka jingdawa ka seng halor ka ILP bad jingpynbeit ia U Pud U Sam
Nangta ka KSU Northern border area ka la leit ruh ban sieh da ki signboard ha khanapara, Raid marwet ha lynter ka surok bah National highway khnang ba ka sorkar kan nym sngap mynthi ia ki mat jingdawa ia kane ka jingleit sieh signboard la ialam da u Samla Alexius Narleng President ka Northern border area lem bad ki dkhot.
Ka Khasi Students Union KSU North Khasi Hills District unit ka buh ruh ka jingkylli ia ka sorkar. Lano ko sorkar India yn pyntreikam iaka ILP hapoh ka jylla Meghalaya?. Sa katno snem yn pule yn bishar sah iaka resolution ILP?
Ko Sorkar MDA , shaei jah ka MRSSA, Ka ktien khasi ka shonghok shong nongrim ban ruh haka khyrnit ba phra jong ka constitution ka ri India. Shi inshi ruh ki jaka jong ka jaitbynriew , kim dei ban leit sha Assam. Pynkloi ban pynbeit ia u pud u sam , hynrei yn nai bynda bad lilam ia ka khyndew sha Assam.
Ka kyrwoh kaba shai ka seng ka phah sha baroh ki nongmihkhmat ba ki dei ban peit bad pyndep la ka kamram na ka bynta ka bha ka miat jong ka Jaidbynriew hi baroh kawei ym ban shu sngap lane shu kmen toh hoh hynrei kin dei ki nongiada na ka bynta ka Pateng ban sa wan.
