Shillong, Nailar 16: Ki bor jong ka District Administration East KhasiHills, kila pynlong ia shibun ki jingialeh kai bad ki jingiakop ha kane ka sngi rakhe ban khring ia ki paidbah sha ka jingleh burom kaba khma kyrpang mynta ka kynti ia ka jingrakhe ia ka sngi Laitluit jong ka Ri.
Kaba kham khring ia ki paidbah ka dei ka jingpyninam ia ki kali kiba la rim tam ha kane ka Ri India ia kaba mynta kim don shuh ha ki iew ki hat ia kaba la khaweh ia ka lama ban pyniaid paidbah sawdong jong kane ka nongbah Shillong da u myntri rangbah jong ka jylla u Dr Mukul Sangma.
Kaba la pynsngewtynnad eh ia ki samla jong kane ka nongbah Shillong ka dei ka jingdon jong ka jingrwai jingput jingtem ha Khyndailad ha kaba da ki hajar ki samla kila pynsngewbha ia lade ha kane ka sngi da kaba ia shad ryngkat bad ki nongtem nongpud ha kane ka jaka.
Na ka liang jong ki kmie ki kpa ha ka sngi rakhe ia ka jinglaitluit kila pynkmen ia la ki jong ki khun ki ksiew jong ki da kaba ialam kai ia ki sha ki jaka jongoh kai kum ha Nan Polok, Lady Hudry Park, Golf Link, ia kane la shaki ha kaba kine ki jaka kila dap da ki khynnah kat sha ba phai.
