Shillong, Iaiong 19: Mynta ka sngi ki paidbah jong ka 1-Shillong (ST) Parliamentary Konstitwensi dang step kila iamih paidbah ban poi sha ki jaka thep vote ban jied ia MP ban mih khmat sha Lok Sabha ha kane ka iing dorbar kaba 18 jong ka dorbar bah jong ka Ri India.
Haba u SP News Agency u a leit ban peit iaki kato katne ki Assembly Konstitwensi kiba hapoh jong ka 1-Shillong Parliamentary Konstitwensi , kum ka 17-North Shillong la iohi ba ki paidbah kila ieng lain ban thep ia ka vote jong ki shuwa ka por ban sdang thep vote 7 baje mynstep.
Ha ka Konstitwensi 24-Mawphlang (ST) Assembly Konstitwensi la iohi ba ki paidbah kila ieng lain dang stet ban ap ia ka pali jong ki ban thep ia ka vote ban jied ia u nongmih khmat sha Lok Sabha ha kane ka iign dorbar kaba 18 kaba mynta.
Kane ka jingbun briew ha ka por mynstep la ioh ruh hapoh ka 20-Mylliem (ST) Assembly Konstitwensi bad kum juh ruh hapoh jong ka 25-Mawsynram (ST) Assembly Konstitwensi bad la ioh jingtip ruh ba kiwei kiwei konstitwensi ruh ba ki paidbah kila ia leit dang step ban thep ia ka vote jong ki ban jied ia MP.
Kane ka jingtuid jong ki paidbah ka long ruh hapoh ka 2-Tura (ST) Parliamentary Konstitwensi hakaba ki paidbah kila ia mih paidbah ban thep ia ka vote jong ki ban jied MP ban mih khmat sha Lok Sabha na katei ka konstitwensi.
