Shillong, Jylliew 07: Mynta ka sngi ki nongdie madan na kylleng kane ka sorkar Shillong kila ia iaid da ka kjat ban poi sha Motphran wat la kila tip ba ka sorkar ka dang pynajri ia ka jingkhang dam haduh ka 14 tarik mynta u bnai ban iada na ka jingpur kane ka khlam COVID-19.
Ha kane ka jingtur jong ki nongdie madan sha Motphran ban dawa ba dei ban shah noh ia ki ban kin shong iew namar kane ka jingkhang dam kala ktah ia ka iing ka sem ka jong ka jong ki namar kim don shuh ia ka pisa ban thied ia ka bam ka dih.
Ha kane ka sngi na ka liang jong ki Magistrate ryngkat ki pulit kila ia kynduh ia ki nongdie madan ha jaka ieng Taxi Jaiaw bad ha kane ka jingiakren na ka liang jong ki Magistrate kila kular ban rah ia kane ka jingeh kaba kila pynsngew sha ka Deputy Commissioner ban ia kren bad ka sorkar.
Kawei na ki jingeh kaba ki nongdiew madan kila pynpaw ka long ba ka jingsam khaw ka sorkar ka long tang ia kito kiba don kard ration, ia ki bym don kat ration pat km juh ai khaw, bun na ki long iing kim don kard ration, lada ia ki dukan ha ki shnong la shah pynlait lai sien shitiaew ai lad ia ki ruh tang ar sien shitaiew.
Ha kane ka sngi ka jingaikren ha pdeng ki nongdei madan ba ki Magistrate kila ia thain bha bad ha dien ka jingiakren na ka liang jong ki nongdie madan kila kular ban kohgnuh ia ka jingkyrpad jong ki Magistrate ban ia sagneh shuwa bad ha ka juh ka por ki Magistrate kila kular ban rah ia kane ka jingeh jong ki sha ka DC ban ia kren bad ka sorkar.
Ha kane ka jingiakynduh ki nongdie madan ia ki Magistrate ka nongialam jong ka seng ka kong Angela Rangad ruh kala poi lang ha kane ka jingiakren bad ki bor jong ka District Administration.
