Shillong, Jymmang 27: U Bah Pyniaid Sing Syiem MDC jong ka Sohryngkham mynta ka sngi u la shah jied kum u Lamphang ba 27 jong ka ka iing dorbar jong ka Khasi Hills Autonomous District khlem da don ia ialeh pyrshah.
U Bah Alvien Sawkmie Deputy Chairman haba ka iing dorbar kala ia shong u pynbna ba ka ophis jong u Lat ka jylla kala buh mynta ka sngi ban jied ia u Lamphang ka iing dorbar bad katkum ka jingthep kyrteng ki don saw tylli bad kine baroh saw tylli ki dei jong u Bah Pyniaid Sing Syniem.
Namar ba ym don da kawei pat ka kyrteng la pynbna ba u Bah Pyniaid Sing Syiem u la shah jied kum u Lamphang ka iing dorbar khlem da don ba ialeh pyrshah. Da kane ka jingshah jied khlem da don baialeh pyrshah u la long u Lamphang ba thymmai ka KHADC.Ia u ban pyniaid ialam sha ka shuki Lamphang da u CEM u Bah Titosstarwell Chyne bad u nongialam ka liang pyrshah u bah Lamphrang Blah.
Ha kane ka sngi ia ka jingkren ai khublei ia u lamphang ba thymmai la sdang da u Bah Titosstarwell CEM jong ka KHADC ha kaba u la ka jingkit bok kitrywiang bad la ong ba kan don ka jingiatreilang hapdeng ka EC bad ka Leghislative na ka bynta ban pyniaid ia ki kam jong ka District Council.
Kiwei kiba la ia shim bynta ha kane ka jingiakren ai khubblei ki long u nongialam ka liang pyrshah u bah Lamphrang Blah, u Lamphang barim u bah PN Syiem, bah Gigur Myrthong Deputy CEM, Bah RV Lyngdoh, Bah Lambor Malangniang, Kong Grace Marry Kharpuri, bah MN Mukhin EM ,u Bah Twinwell Dkhar CEM barim bad u bah Bindo M Lanong MDC ba shu thung.
