Shillong, Naitung 30: Ki ar ngut ki MDC jong ka seng HSPDP, u Bah Pyniaidsing Syiem bad ka kong Telenia Thangkhiew kin liet ban ia shim bynta ha ka jingialang ba khot u Chief Executive Member jong ka KHADC u Bah PN Syiem ha ks ngi nyngkong ryngkat ki seng bhalang.
Ka kong Telenia kala iathuh ha u SP News Agency ba kin leit sha kane ka jingialang. Kane ka dei ka jingkhot jong u CEM ba u kwah ba kin ia don lang ha kane ka sngi ban iakren ia ka kam kaba ia dei bad ka NOC halor ka surok na Nongstoin sha Wahkaji kaba la pyrshah jur da ka KSU.
Katkum ka ka jingkhot ka jong KHADC, ka long ban a kaliang jong kiba pyrshah kin don shiphew ngut bad na ka liang jong kiba pdiang ruh kin don shiphew ngut , katba ia kitei ki MDC ar ngut la khot kyrpang ba kin ia don lang.
Ha kane ka sngi na ka liang jong ki MDC ka PDF baroh kin ia don lang, kumba ka la paw na ka jingkren jong u CEM ka KHADC ka long ba ha dien jong kane ka jingialang bad ki seng bhalang ka EC kan sa shong ba pyrkhat kumno ban iaid ha kaba ia dei bad kane ka kam.
