Shillong, Jymmang 13: Ka seng JSU seng kmie mynta ka sngi ka lah ai da ka jingthoh sha u DC bad kyrpad ban peit bniah bha iaki Examination Center shuwa ban pynlong iaka CUET exam khnang ban lait na ki jingleh thurmur ki nongpyniaid exam kumba lah long ha u taiew ba lah dep ha ka por ba thoh iaka NEET exam ha St.Mary Mazzarello Sec School Jowai.
Ka seng ka lah ai jingmut iaka bor distrik lyngba u DC ba dei ban leit peit ia ki examination center ban khmih hi da la jong ki khmat hato ka lah biang ne em ka rukom pynkhreh ban thoh ki khynnah ia ka eksam CUET kaban sa pynlong shen ha ka 15 tarik haduh 18 tarik mynta u bnai .
Na liang ka bor distrik ki lah ong ba kin sa shim ia kane ka jingai jingmut ka seng JSU bad kin sa khot shuwa daka jingialang bad ki nongpyniaid eksam shuwa ban pynkreh ban thoh iaka CUET eksam ban lait na ka kynrum kynram khnang ban ym duh nong ki khynnah pule kiban sa thoh eksam hapoh ka dostrik daki hajar ngut.
Ka seng ka lah shim khia ban leh iakaba dei eh khnang ba ki khynnah pule na ri lum Jaintia kin sngew shngaiñ ban thoh iaka ka eksam ha la ki center ba lah pynkhreh iaki bad ban lait na ka jingleh thurmur ki nongpyniaid eksam bad kan iaid beit iaid ryntih.
