Shillong, Jymmang 17: Ki ba iaid ba ieng ban leit don kam sha Passport ophis ha Lower Lachumiere kila pynaw ia ka jingsyier ban ioh ba u dieng pynpur ksainar light u la bam sarong jan mar shiteng ha trai jong u.
Ki ba iaid ba ieng kila pynpaw ba hato ka MeECL kan ap haduh ban da khynnlem kin sa kyndit bynriew, hato kim don kata ka jingtip ba ki dieng punpur ksainar light bun kila bam sarong bad kila buh ha ka jingmang khamtam ha kane ka por lyiur ba beh ka lyer.
Ka jingkyntu ia ka MeECL na ka liang jong ki paidbah ba dei ban pynskhem ia kum kine ki dieng pynpur ksainar light ba dei ban peit na ka por sha por ba pynthikna ba kan nym don kano kano jingmynsaw ia ki paidbah.
La ong ba kum kine ki dieng pynpur ksainar light kiba la bam sarang ki don ha kylleng ki bynta jong kane ka nongbah Shillong bad bun na kiba la pyntip sha ka NeECL kila maramot ia ki bad ki don ruh kiba kim tip.
