U Director ka NEIGHRIHMS um don ia ka bor ban kren kynthoh ia ka sorkar: Dr Aman

Shillong, Risaw 8: Halor ka jingkynthoh jong u Director ka NEIGHRIHMS ha kaba ia dei bad ka jingtest Antibody ha kaba sdang jong kane ka khlam COVID-19 ha ka jylla Meghalaya ban ong mynta ka long kaei kaei kaba la bakla shibun eh na ka liang jong u Director ka NEIGHRIHMS bad um don ruh ia ka bor ban kren kynthoh ia ka sorkar, la ong u Dr Aman War Director ka tnad ka koit ka khiah ka sorkar Meghalaya.

Hab kren ha ki lat pathai khubor u Dr War u la ong ba ka sorkar lyngba ka tnad ka koit ka khiah ha kaba sdang kila leh ia ka Anti Body test, hynrei naduh ka 13th Nailur 2020 la pyndon kam ia ka Antigen Test bad ia ka RTPCR Test haduh mynta ban kynthoh ki dang leh ia ka Anti Body test ka long kaba bakla.

Ha ka juh ka por u Dr Aman u la ong ba u director ka NEIGHRIHMS um don ia ka bor ban kynthoh pyrshah sorkar bad ka jingpyrshang jong u Director ka NEIGHRIHMS ka long ba u kwah ban pyni ba u tip hynrei ka paw shai ba umd on jingtip ei ei ruh em bad kane ka paw na ka jingkynthoh jong u.

U Dr Aman u la ong ba kane ka jingleh ha ka jaka ban pynshai bad ban pynsngewthuh ia ki paidbah, ka ialam bakla pynban ia ki paidbah , la ong ba ka sorkar jylla kala don la ki jong ki kyndon kin pyntrei kam ia kita ki kyndon kaba ka sorkar jylla kala buh.

La iathuh ba naduh bas dang buh iaki khyrdop ha ki jaka rung la test haduh 17000 ngut ki briew bad ki kyndon ki long kiba shai ba ki briew ba rung sha ka jylla ki hap ban leh ia ka test bad ki hap ban shong 10 sngi bad ia kiba long Positive ha ka Antigen la hap ban leh da ka RTPCR Test ban pynshisha.

La iathuh ba ha ki jaka rung jaka mih na ki 17000 ngut la test COVID-19 positive haduh 400 ngut bad na ki 68,000 ngut kiba la test naphang la lap 1500 ngut ki briew kiba long Positive, ka jingkynthoh jong u Director ka NEIGHRIHMS ka long kaba bakla bad ka pyni ia ka jingbym tip ei ei ka jong ia kane ka jingiakhun pyrshah ia ka khlam COVID-19.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet