Shillong, Jylliew 29: Ban ioh ia ka skhim Pradhan Mantri Ujjwala Yojana (PMUY) ban shim Gas ym don kam ban siew pisa ei ei ruh em, bad kito ki long iing kiba dei ban ioh ia kane ka skhim kin ioh ruh ia ka ram ban thied stove khlem da siew sut.
Ia ki long iing kiba dei ban ioh ia kane ka skhim la shim na ka SECC data, jong u snem 2011, ia kane ka jingai gas la leh da ka ki bor ba la ithuh da ka Ministry jong ka Petroleum bad Natural Gas.
Kane ka tand jong ka sorkar pdeng kala ioh jingtip ba ki don ki briew kiba la shim kabu na kane bad ki la dawa pisa na ki long iing kiba dei ban ioh ia kane ka skhim, na ka liang jong ka tei ka tand jong ka sorkar pdeng ka pynshai ba um dei ban siew pisa na ka bynta ban ioh Gas ha iing.
Kum kane ka jingjia kala jia hapoh jong ka jylla Utter Pradesh bad la bthah ruh baroh ki jylla ba kin peitngor ba kum kane ka jingjia kaba la jia ha katei ka jylla kan nym don kum kane ka jingdawa pisa bad la bthah ia ki paidbah ba kin ujor sha ki bor jong ka ain lada ki don kiba dawa pisa.
