Shillong, Kyllalyngkot 04: U bah Ronnie V Lyngdoh long ba na ka liang jong ka party Congress ka pynrem jur ia ka jingshah pynpra ka iing mane ha Chattisgarh bad ka jingshah pyndik ki riiew ngteit khrsitan kiba dei ki rit paid, kum ka seng ka kyntu ia ka sorkar pdeng, ka sorkar jylla ba kin shim khia ban pynshitom katkum ka ain.
Kum ka seng ka pynpaw ia ka jingsngewsih halor kane ka jingshah thombor ki Khristan ha ki riew sniew kiba la don ia kata ka jingshlur jong ki bad ka jingpeit sniew ia ki khristan bad jingpyrshang ban wan rah ia ka jingiashun ia ki riew ngeit kiba rit paid.
Kine ki riew ngeti kiba rit paid kim don kano kano ka jingiada hynrei la shu thombor ia ki kum ka party Congress ki pynpaw ia ka jingsngew khia haba ia dei bad kum kine ki jingjia bad u President ka AICC u Rahul Gandhi ruh u la pynrem jur ia kane.
Ka MPCC na ka jylla Meghalaya kala dawa na u myntri kam poh iing ka Ri Indai ba u phah kem ia ki riew sniew bad u myntri rangbah duh jong ka Ri India u dei ban pynthikna ba ki reiw ngeit khristan ha kane ri ki dei ban ioh ia ka jingiada.
U bah Ronnie V Lyngdoh la ong ba ka Ri India ka dei ka ri kaba khlem ia shah niambad katkum ka riti synshar ka artikle kaba 25 san ka kren shai ba ki paidbah ka Ri India ki don ia ka hok jong ki ban bud ia kano kano ka niam, kane ka jingthombor ka long pyrshah ia ka riti synshar.
Kumba ka long mynta ka don ka jingsngew syier ba yn nym ioh shuh ia ka jingiada katkum ka riti synshar jong ka Ri India, la ong bah Ronnie V Lygndoh ba kren ha ki lat pathai khubor.
