Shillong, Rymphang 29: U Myntri ka tnad Pule puthi ka sorkar Jylla u Rakkam A Sangma mynta ka sngi u la pyntip ba kidon 159 tylli ki jaka thoh exam na ka bynta ki khynnah pule jong ka SSLC bad 108 tylli na ka bynta ki khynnah pule ha ka HSSLC ha ka Jylla. u la ong ruh ba ki samla pule ki ban ia khun ia ka SSLC bad HSSLC ki la jan kot shaka 90hajar ngut.
Ki khynnah ki ban ia khun ia ka Secondary School Leaving Certificate ki don haduh 55,189 ngut kat ba ha ki samla pule ki ban thoh ia ka Examin Higher Secondary School Leaving Certificate ki kynthup 3812 ki ban ia khun ha ka science stream, 2440 ki commerce bad 27,783 ki ban ia khun ha ka ARTS stream bad baroh ki long 34,335 ngut.
U Rakkam u la ong ruh ba ka Meghalaya Board of School Education ka la pynkreh bha ha ka ba iadei bad ka examine bad kam don jingeh eiei. U la ong ruh ba kin don ki pulit pahara ki ban peit pyrman ia kane ka examine.
U Rakkam u la phah ruh ka khubor kitbok kitrwiang sha baroh ki samla pule ki bala pynkhreh ban leit thoh ia kane ka eksamin bad u kyrmen ba kin lah ban lehbha da kaba pynleit jingmut bha ha ka jingpule bad buh shwa sharud ia ki mobile phone jong ki.
U la ong ruh ba ki samla pule ki dei maki ban wanrah burom bad ka jigsarong ia ka ing ka sem, ki jaka pule jongki bad khamtam ia ka shnong kathaw bad ka jaidynriew ruh kumjuh.
