Shillong, Nailar 10: Kiba bun na ki paidbah jong kane ka nongbah Shillong kila ud ba bun na kiba pyndon kam ia la tyngdong lyer banshet jingshet , bun ba kim pat ioh ia ka subsidy na ka daw ba kim don ia u Aadhar number.
Haba u SP News Agency u la ioh ban ia kren bad ki katto katne ngut ki briew kiba khlem pat ioh ia kane ka subsidy la bun bun bnai la ong ba ha ka por ba ki ai ia kot ki sla jong ki sha ki jaka ba ki shim Gas ka long ba ki pan lang ruh ia u Aadhar nuber, hynrei haba kila batai ba kim don kila pdiang ia ki kot ki sla hynrei jingeh kaba ki ia kynduh ka long ba kim pat ioh pat ia ka subsidy kaba ki dei ban ioh.
Halor kane na ka liang jong u Deputy Commissioner jong ka East KHasi Hills District u Bah PS Dkhar u la ong ba ka subsidy LPG kam don ka jingiadei bad u Aadhar, namar wat hapoh ophis ruh kim pat ioh ia kano kano ka jingthoh halor kane.
Na ka liang jong u DC u la ong ba leh se kane ka jingslem ka lah ban long ba na ka liang jong ka IOC kam pat phah ia ka pisa sha ka bank account jong kito ki briew kiba la dep ban apply.
