Shillong, Iaiong 01: Mynta ka sngi u Assistant Secretary ka HANM u bah Wraiwan Sohtun u la iathuh ba ka seng kala leit ban ai ia ka ejahar sha u Superintendent ki pulit jong ka East Khasi Hills Pyrshah ia u President ka CWC ka thain Shella u Gopal Dey namar u la kynnoh ba dei ka KSU kaba la shim ia ka jingim jong ki ar ngut ki briew kiba khlad ha Ichamati ha kine ki sngi.
Haba kren ha ki lat pathai khubor ha Shillong Press Club la ong ba kane ka jingkynnoh ia ka KSU ha ka jingujor kaba la ai sha u myntri rangbah ka jylla la kdew shai ba dei ka KSU ba don kti ha katei ka jingiap ki ar ngut ki briew ha Ichamati ia kaba ka seng HANM kan nym lah ban pdiang ia kane ka jingkynnoh.
La ong ba ka seng kam don ei ei ia kata ka jingphah jingthoh sha u myntri rangbah ka jylla, hynrei ka jingpyrshah ka jong ki ka long halor ka jingkynnoh ia ka KSU, kane ka jingleh ka dei kaba ym lah ban pdiang ia kaba ki bor ka ain kid ei ban kem ia u tei u briew ba pyrshang ban pynshit bad pyniashrud jaidbynriew.
Na ka liang jong ka seng HANM ka pynrem ia ki kam sniew, haba ia dei bad katei ka jingjia ai ka ain kan leh ia kaba don kam bad ki don ka jingshaniah ha ki bor jong ka ain ba kin leh ia kaba don kam ban pynshitom ia ki riew sniew.
Haba ia dei bad ka jingsphriang ka jignthoh kaba ym lah ban tip mano bala thoh hynrei la address sha ki nongialam ka KSU bad ha katei ka jingthoh kila byrngem ia ki dkhot ka seng KSU, halor kane ka sorkar bad ka tnad pulti ka dei ban thwet ia ki bad kam bad ban pynshitom katkum ka ain.
U bah Bawan Nongsiet Vice President ka seng haba bynrap ia ka jingkren la ong ba kum ka seng kan nym lah ban pdiang ia kane ka jingshah byrgnem lada don kano kano ka jingjia ka seng kan nym lah ban shusngap, sorkar ka dei ban kem mardor ia kum kine ki briew.
