Shillong, Iaiong 09: Ka Hynniewtrep Integrated Territorial Organisation mynta ka sngi ka 9 tarik u Iaiong ka la ioh ban ia k ka 9 tarik u Iaiong ka la ioh ban ia kynduh ia u CEM ka KHADC u bah Pyniaid Singh Syiem ban ia kren halor ka jingleh bymsuid niew jong ki bar Jylla.
Kine kiba leh ia ka khaii ka pateng ha ka ban shim ia ka Trading License na ka Khasi Hills Autonomous District Council bad na ka liang ka la dawa na ka Council ba ka dei ban leh da ka ba tyneh bad ban shim khiabha halor kane ka bynta.
Ha ka ba iadei bad kane na ka liang ka council ka la dep ban phah da ka jingthoh sha u District Transports officers jong ka East Khasi Hills District ha ka 13 Tarik u Nailur 2023 bad kumjuh ruh sha u Secretary jong ka State Transport Authority.
Ha dien ba ka HITO city Unit ha ka jing iatrei lang bad ka tnad Enforcement jong ka Council ha ka jingtalasi ia ki kali jong ki bar Jylla ha ka 1 tarik u Rymphang 2024 ka la lap ba bun na ki bar Jylla kim don ia ki kot ki sla ki ba biang kum ka Labour bad Trading License.
Ha bai a kren bad ki nongthoh khubor na ka liang ua President jong ka HITO seng kmie u Donbok Dkhar u la ong ba hadien ba na ka liang ki dkhot jong ka seng HITO Shillong City ki la ioh ban leit ban khynra ia ki kot ki sla jong ki briew ba wan ban kamai kali jong ki bar Jylla ne ki Non Tribal.
Na ka liang ka seng ka la lap ba bun na kine ki ba kamai Taxi kim shym la don ia ka Trading License ne ki kot ki sla ki ba biang ka ba ki hap ban ioh napoh ka KHADC ka ba lah ban tehlakam ia kane ka jingwan rung kyrthep jong kine ki briew ba na bar.
U bah Dkhar u la ong ruh ba na ka liang jong u, ula ioh sngew ba kidon tang ki taxi kamai ki ba wan ban shim ia ka trading License na ka Council hynrei kat ba ia ki Tourist ki ba wan na Shabar kim shym la wan ban shim ia kane ka License.
Na na ka liang u CEM u la ong ba na ka liang jong u ula dep ban ai da ka jingthoh sha ka Transport Depart ban pan ia ka jingdon jong ki kali ki ba la ai iaka permit sha ki briew ki ba na Shabar ka Jylla ne ki Non Tribal.
Na ka liang u samla Banpyntngenlang Syiemlieh u ba dei u President ka HITO Shillong City u la ong ba ka jingdon jong ki Agency ki bym don ia ki kot ki sla ki ba biang ka la pynlong ia ki samla ki ba thmu ban kamai ha poh ka Jylla kim shym la ioh shuh ha ka ba na ka liang kine ki agency ki la kham pynduh mynsiem ia kine ki samla ka Jylla ki ba kamai jakpoh na ka kam niah taxi.
Kumta na ka liang ka HITO ka la buh ka jingkyrpat ia ka KHADC ba ka dei ban leh ei ei halor kane ka bynta khnang ba ki samla jong ka Jylla kinioh ia ka lad kamai jakpoh ha la ka jong ka Jylla.
