Shillong, Rymphang 12: Mynta ka sngi ka KSU War Jaintia kala ai ia ka jingujor sha u SDO jong ka Amlarem halor ka jingpynshitom khlem daw jong ki shipai BSF ia u Dr. Seibok Buam jong ka tnad ri mrad katba u dang mut leit khwai.
Kane ka jingleh riew khlaw jong ki BSF, kum ki bor shipai kiba don ka jingkit khlieh ban iada ia u pud u sam ki dei ban ai ka jingshngian ia ki paidbah nongshong shnong ym ba kin kylla long ki nongshun bad wanrah ia ka jingshong syier.
Ka jingleh jong ki BSF ha ka 11/2/2024 ia u Dr. Seibok ka dei ka jingleh kaba yn nym lah ban pdiang haba la tip pyllein ba ki juh don ka jingiakynduh haba ia dei bad kum ki kam, ka jingthmu jong ki ban pata sha Siro Line ka don ka jingmut ba sniew sha lyndet.
Kane ka jingleh jong ki BSF na ka 4th Battalion ka dei ka kam rumar namar ki tip shai kdar ba u dei u nongtrei sorkar bad katta ruh ha ka kyrdan kum Doktor , na ka liang jong ka seng ka dawa ba dei ban leh ei ei yrshah ia kito ki BSF ban ioh biang ia ka jingshaniah ha ki shnong khappud.
Ia kane ka jingleit ai ia kane ka jingujor ia ka shithi la soi da u President Lop Steven Khonglah bad u General Secretary ka circle Samla Platini Mukhim bad ia kane ka jingpyntip la phah ruh sha u Deputy Commissioner bad ka ophis jong ka District Human Right Commission jong ka jylla.
