Ujor ka KSU shna Laban sha Shillong Municipal Board halor ki bar jylla ba ri jingri beaiñ

Shillong, Jylliew 05:  Ka KSU Laban Circle mynne mynstep ka la leit ujor bad pynkynmaw sa shisien halor ka jingsahteng ban weng ia ki bar jylla ba ri masi beaiñ ha Maxwelton Estate bad ha Lower Lumparing. Na ka liang ka Seng, ka pynpaw ia ka jingbitar halor ka jingslem ki bor pyniaid ban weng ia kine ki bar jylla.

Kine ki bar jylla kiba ri masi ha kine ki jaka kim shim don ia kino kino ki kot ki sla kiba biang bad ha kajuh ka por kine ki jaka ki hap hapoh ka Municipal area bad ym lah ban ri kino kino ki jingri.

Ka jingdon jong kine ki bar jylla ha kine ki jaka ka pynjaboh ia ka mariang namar ki pyntuid ia ka jaboh sha ki nala bad sha ka wah. Bad ka jingsma ba mih na kane ka jaka ka don jingma ia ka koit ka khiah jong ki paidbah.

Na ka liang ka Seng, ka pynpaw ba lada ki bor pyniaid ki dang iai pynslem ban kyndang bad weng ia kine ki bar jylla, ka Seng kan shim hi ia la ki jong ki sienjam ban weng ia kine ki bar jylla kiba wan pynjaboh ia ka mei mariang.

Kumjuh ruh ba ka Seng kam shim kwah ba ka Maxwelton Estate kan long sa kum “Them Mator ba ar” namar kat dang iaid ki sngi dang bun ki bar jylla kiba dang wan buhai shnong beaiñ.

Na ka liang ka Shillong Municipal Board ka la pynshai ba ka ladep leit khmih ia kitei ka jaka bad shen hi kin sa phah noh ka Order ban weng noh ia kine briew ba ri masi beaiñ ha kine ki jaka.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet