Shillong, Rymphang 21: ka iing dorbar jong ka Khasi Hills Autonomous District Council (KHADC) mynta ka sngi kala pdiang ia ka motion bym don jingshaniah shuh iaka Executive Committee kaba la ialam da u bah Pynshngian N Syiem bad ka jingiatai kan long lashai ka sngi ha dien ba la dep ka por jingkylli kane la pynbna da u Bah L G Nongsiej Chairman jong ka iing dorbar.
U Bah LG Nongsiej ha dien ka Zero Hours, u la pynbna hapoh ka iing dorbar ba u la ioh pdiang ia ka No Confidence Motion kaba la aid a u Bah HS Shylla MDC jong ka UDP mynta ka sngi bad na ka liang jong u Chairman u buh ia kane ha khmat jong ka iing dorbar bad u la pan ia ka jingbit jong ka iing ban pdiang ne em.
Ha kane ka jingpan jngbit na ka liang jong ki dkhot jong ka iing dorbar kiba la kyrshan ia kane ka motion bym don jingshaniah shuh ia kaba la wanrah da u Bah HS Shylla ki long u Bah Manstduty Nongrem, Bah P T Sawkmie, Bah J Tynsong, Bah Lamphrang Blah, Bah Kimfa Marbaniang bah D Wanlang na ka seng Congress, u Bah P Syiem u MDC bala shah saspon na ka seng HSPDP.
Haba ki dkhot jong ka iing dorbar kila ia ieng phra ngut hala ki jaka shnong katkum ka rule 71(2) jong ka Meghalaya and Assam Autonomous District (Constitution of District Council) Rules 1951 kumba la pynkylla da ka Khasi Hills Autonomous District Council la shem ba kala pdiang.
Halor jong kane na ka liang jong u Chairman jong ka KHADC u Bah L G Nongsiej u la pdiang ia kane ka motion bym don jingshaniah shuh ia ka Executive Committee bad u la buh ba ia kane ka kam ka iing dorbarkan ia kren ha ka sngi palei 23 tarik mynta u bnai.
