Mawkyrwat, Rymphang 02: Ka KSU South West Khasi Hills District ka la kynthoh ia ki bor District jong ka South West Khasi Hills District da kaba ong ba ” Ka jingkam jong ki ba ka Labour Department ne ka District Level Team kam pyntreikam iaka Work Permit System ban register iaki nongtrei bar jylla ka dei ka jingialam bakla bad ka jingkren laplah da kaba leh klet bad khlem peit bha hashwa ban kynthoh eiei halor kane”.
Ka KSU kum ka seng kila ioh pdiang iaka shithi naka Deputy Commissioner Kong I. Laloo bad kila iohi ruh lyngba ki lad pathai khubor kaba ong kumne bad kane ka la pynlyngngoh ia ka KSU, ba kumno maka kum ka Khlieh jong ka District Level Team ka dang kren kulmar halor ka Work Permit bad ka nud ban ong ba ka Report naka ophis u District Labour Commissioner ka ong ba ki khlem pyntreikam ia Kata ka Work Permit system.
Kane ka dei ka jingpyrshang ban ialam bakla ia uba bun ba Lang bad ka dei ruh ka jingkren laplah da kaba khlem wad bniah iaki jingshisha. Ka KSU ka kwah ban kyrpad iaka Deputy Commissioner bad iaka District Level Team jong ka South West Khasi Hills District ba ka dei ban wad bniah iaka Notification napoh ka Political Department jongka Sorkar Meghalaya ba la pynmih ha ka 14.october, 2011 bad kaba don ia u No. POL.245/2006/44 kaba dei ruh ka Order na u Governor ha kato ka por.
Katba kum katei ka Notification ym tang la phah ban thaw iaki District Level Team hynrei la kdew ruh iaki kamram kaba kadei ban leh bad kita ki long,1. Ban pyntreikam iaki rai jongka sorkar bad ka State Level Task Force ban tehlakam iaka influx , 2. Ban thaw lad ban register iaki nongbylla katba kum ka Work Permit Scheme. 3. Ban pynbiang iaki reports halor ka jingiaid shaphrang haka jingpyntreikam iaki bynta ba ka District Level Team na ka bynta ban tehlakam iaka jingwanrung ki briew ba nabar hapoh ka District bad kiwei kiwei.
Namar kata, ka seng ka pynrem jur iaka jingkren laplah jong ka DC bad iaka jingbym peit bha jong ka District Level Team ha shwa ban ai kano kano ka jingpynshai la ka long haki jingthoh ne haki lad pathai khubor. kum ka seng lada ki bor district kim leheiei ruh hynrei wat kynnoh pat ia ka seng lada kan poi ka por ba kin shim hi iaka ain ha kti.
Kum ban shu pynkynmaw katba kum kane ka notification hapoh ka District Level Team ki nongmih khmat ki long na ka ophis, 1.Deputy Commissioner not below the rank of Addl. District Magistrate un long kum u Chairman. 2. U Labour Inspector jongka District un long kum u Member Secretary. 3. Nangta u representative napoh SP jongka Civil Police bad Infiltration Wing not below the Sub Inspectors of police kin dei ki members.
Ka seng ka sngewdei ban ai ka jingmaham iaki bor District bad Iaka District Level Team ba wat lapmiet ka ialam bakla hynrei ki dei ban pyni ruh iaka kam ba Kumno kin leh bad halor ka jingong jongki ba Kim pyntreikam iaka Work Permit system ngi kum ka seng Ngi sngew ban ong ba ngim Lah ban pdiang. Ngi dang ap iaki ba kin leh ia kata hynrei lada phin lah aibor iangi ba ngin pyntreikam hi iaka Work Permit.Kane ka dei ka kyrwoh na u samla Forwardman Nongrem, President KSU South West Khasi Hills District.
