Ym shah ia ki jingpynbna kiba pynshlur ia ki jingiathong pisa online, bthah ka tnat IB

New Delhi, Jylliew 13: Ka tnat Information and Broadcasting ka la bthah mynta ka sngi sha ki lad pathai khubor, ki electronic media bad ki digital media ba kin kiar ban ai jingtip shaphang ki rynsan iathong pisa online.

Kane ka jingbthah ka wan namar ka jingmih dang shen katto katne ki jingpynbna shaphang ki website, rynsan iathongpisa ha ki lad pathai khubor, ki electronic media bad ki social bad online media.

Ka jingiathongpisa, kaba long beain ha ki jaka ba bun jong ka ri, ki buh jingma ia ka pisa bad ka jingim jong ki briew, khamtam ki samla bad ki khynnah, la ong ha kane ka jingbthah.

Ka la bynrap ba kine ki jingpynbna shaphang ka jingiathongpisa ka pynksan ia kane ka kam kaba la mana. “Ki jingpynbna shaphang ki jingiathong pisa ki dei kiba ialam bakla, bad kimiahap bad ka Consumer Protection Act 2019.

Ka Advertising Code hapoh ka Cable Television Networks Regulation Act, 1995, bad ki bynta kiba iadei bad ki jingpynbna hapoh ka Norms of Journalistic Conduct ba la wanrah da ka Press Council of India hapoh ka Press Council Act, 1978”, ka la ong.

Ia kane ka jingbthah la ai na ka bynta ka bha ka miat jong ki briew, bad ka la ai jingmut ia ki lad pathai khubor bad ki electronic media ba kin kiar na ka jingpynmih ia ki jingpynbna shaphang ki rynsan iathong pisa online.

Ka la ai jingmut ruh ia ki online bad social media, kiba kynthup ia kito kiba pynbiang, pynioh bad pynmih ia ki jingpynbna online, ba kin ym pynmih ia kum kine ki jingpynbna ha India lane ban thew ia ki briew ka India.

Ha ka 4 tarik u Nohprah, ka tnat Ministry of Information & Broadcasting ka la bthah ia ka Private Satellite TV channel ba kin bud ia ki kyndon treikam ka Advertising Standards Council of India (ASCI) kiba iadei bad ki jingpynbna shaphang ka online gaming ha kaba la bataishaikaei kaba lah ban leh bad ia kaei dei ban kiar ha kaba iadei bad ki jingpynbna shaphang ka jingiakhlai online.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet