LUCKNOW, OCT 5 (UNI):- Prime Minister Narendra Modi addressing at Azadi@75 New Urban India: Transforming Urban Landscape Conference-cum-Expo in Lucknow on Tuesday. UNI PHOTO-1U
New Delhi, Naiwieng 17: U Myntri Rangbah Duh, u Narendra Modi un leit sha Arunachal Pradesh bad Uttar Pradesh ha ka 19 tarik u Naiwieng, 2022. Ha kumba 9:30 mynstep, u Myntri Rangbah Duh un plie paidbah ia ka kad liengsuin Donyi Polo Airport, Itanagarbad aiti sha ka ri ia ka 600 MW Kameng Hydro Power Station.
Hadien kane, unleit sha Varanasi, Uttar Pradesh, ha kaba un pliepaidbah ia ka ‘Kashi Tamil Sangamam’ ha ka por 2 bajenohphaisngi. Ha ka sienjam ba heh ban kyntiew ki lad ka leit ka wan ha ka thain shateilammihngi, yn pliepaidbah u Myntri Rangbah Duh ia ka kadliengsuin ba thymmai ha Arunachal Pradesh – ka ‘Donyi Polo Airport, Itanagar’. Ka kyrteng jong ka kad liengsuin ka dei ka jingpdiang jong ka jingburom naduh ki por hyndaiia ka Sngi (‘Donyi’) bad u Bnai (‘Polo’) ha Arunachal Pradesh.
Kane ka kad liengsuin, kaba dei ka kad lienguin ba thymmai kaba nyngkong ha Arunachal Pradesh, ka dei kaba la shna ha ka jaka kaba palat 690 acre, ha ka jinglut kaba palat T. 640 klur.Ka don ka runway kaba 2300 m, bad kumta kane ka kad liengsuin ka iahap ban don ka jingpynherliengsuin ha ka jinglong kumnokumno ka suinbneng ha ki por ba dang shai.
Ka terminal jong ka kad liengsuin ka dei katkum ka juk mynta kaba kyntiew ia ka jingpyndonkamtyngkai ia ka bording, ka bording na ki tyllong ba lah ban pynthymmai bad ka jingpyndonkam biang ia ki jingdon jingem. Ka jingshna ia kane ka kad liengsun ba thymmai haItanagar kan kyntiew ia ki lad ka leit ka wan bad long ruh ka lynti na ka bynta ka roi ka par bad ki kam jngohkai ha kane ka thain.
Ha kaneka sngi, u Myntri Rangbah Duh un aiti ruh sha ka ri ia ka 600 MW Kameng Hydro Power Station. La shna ia kane ka projek ha ka jinglut jingsep kaba palat T 8450 klur ha ka jaka kaba don 80 kilometre ha West KamengDistrik jong ka jylla Arunachal Pradesh.
Kane ka projek kan pynlong ia ka Arunachal Pradesh kum ka jylla kaba pynmih tam ia ka bording, kaba iahap bad ka National Grid ha kaba iadei bad ka jingryntih ka grid bad ka jinglah pyniasoh. Kane ka projek kan iarap bha ia ka jingthmu jong ka ri ban kyntiew ia ka jingpdiang ia ka bording kaba khuid.
Da kaba ioh mynsiem da ka jingthmu u Myntri Rangbah Duh, ka jingkyntiew ia ka mynsiem‘Ek Bharat Shreshtha Bharat’ ka dei kawei na ki kam ba peit bniah bha ka Sorkar. Sa kawei ka sienjam kaba pyni ia kane ka jingthmu, yn pynlong ia ka ‘Kashi Tamil Sangamam’, ka prokram kaba shi bnai haKashi (Varanasi) ia kaba yn pliepadibah da u Myntri Rangbah Duh ha ka 19 tarik u Naiwieng.
Ka jing thmu jong kane ka dei ban rakhe, pynskhem bad shem biang ia ki jingiadei ba hyndai hapdeng ka Tamil Nadu bad Kashi kiba dei ki jaka pdeng jong ka jingnang jingstad ha ki por hyndai.
Ka prokram ka thmu ban plie lad ia baroh ki briew ba kynthup ki samla pule, ki riewpyrkhat, ki nongkhaii, ki nongsaindur bad kiwei kiwei na kane ka thain ba kin iapoi lang ha kawei ka jaka ban iasam ia ka jingstad ka deiriti bad ki rukom treikam kiba biang tam bad ba kin ioh jingnang jingstad na ki jingshem jong kiwei.
Palat 2500 ngut ki delegate naTamil Nadu kin leit shaKashi. Kin iashim bynta ha ki seminar, ka jingleit peit ia ki jaka ban iakren bad ki briew ha kine ki jaka kiba trei ha kijuh ki kam bad ki bad ruh kiba don kijuh ki jingsngewtynnad bad ki.
Yn don ruh ka jingpyni baroh shi bnai ia ki jingshna kti, ki mar ODOP, ki kot, ki documentary, ki rukom shet mar bam, ki jingsaindur, ka histori, ki jaka jngohkai jong kine ar tylli ki thain ha Kashi.
Kane ka sienjam ka long katkum ka jingban khia ka NEP 2020 ha ka jingwanrahia ki jingnang jingstad tynrai ka India ba kin iahap bad ki rukom ai jinghikai katkum ka juk mynta. Ka IIT Madras bad BHU ki dei ki kynhun kiba pyntreikam ia kane ka prokram.
