Khliehriat, Naitung, 31: Ka Seiñ Kur Dkhar East Jaintia Hills District (SKDEJHD), ha ka kyrwoh ba la phah da ki nongialam jong ka, u President, Teras Dkhar, bad u General Secretary, u bah M H Dkhar, ka la pyntip paidbah,ba ha kine ki bnai ban wan, kan sa pynkup burom bad ai Excellence Award iaki khynnah pule jong ka Seiñ Kur Dkhar East Jaintia Hills District.
Kane kan long ia kiba la pass ha kakyrdan “Top 20” ha ki eksamin Class-X bad Class-XII lane kino kino ki eksamin jong ki kyrdan jingpule jong ki,kiba iaryngkat kyrdan bad ka Class-X bad Class-XII, kiba dei ki jait eksamin kiba la ithuh da kano kano sorkar jylla lane ka sorkar India.
Ha ka jingiadei bad katei Jingpynkup burom bad ka jingai Excellence Award, ka Seiñ Kur Dkhar East Jaintia Hills District, kan Pynkup Burom bad ai Excellence Award langruh, ia kino kino ruh ki khun samla jong ka Seiñ Kur Dkhar East Jaintia Hills District, kiba la wan rah iaka Nam bad burom ia ka Kur Dkhar ha East Jaintia Hills District.
Ka khusnam kaba kin ai kan long kiba la jop ia kino kino ki kynja jingiakhun kum ha ki kam jingialehkai bad kiwei kiwei de ki kynja jingjop ia kiba la pynleh ha ha kyrdang jong ka state level shaneng da ki bor ba la ithuh da ka sorkar.
Ia katei ka jingpynkup burom bad Jingai Excellence Award, ynleh tang ia kito kiba la pass bad kiba la jop ha kitei ki kyrdan ba la kdew haneng ha u snem 2022 bad haduh 2023, bad ruh ba ia kane ynleh tang ia ki khynnah pule bad ki khun samla jong ka Seiñ Kur Dkhar East Jaintia Hills District, kiba dei ki nongshong shnong bapura jongka East Jaintia Hills District hi.
Kumta, ha ka jingiadei bad kane, namar ka jingbun palat jong ki Kur Dkhar ha East Jaintia Hills District, ka seng ka kyrpad iaki samla pule bad ia ki khun samla jong ka Kur Dkhar East Jaintia Hills District, ba lada don kino kino kiba la poi shatei ka thong jong kitei ki jait jingjop baroh arba la kdew haneng.
baroh kin sngewbha ban phah ia ki kot ki sla ba don kam jong ki, kiba la dep pynshisha ,kum ki Marksheet , ki syrnot, ki syrnot jaka sah lem bad kino kino ki kynja jingthoh lane jingpyn bna ba la pynbna da ki bor ba dei peit ia kiba kum kita ki jaitjingjop ,kum ka jingpynshisha halor kiba kum kita ki jait jingpass lane jingjop jong ki.
Ia kitei ki kot ki sla ba la kdew haneng,lah ban pynpoi ha ki ki kti jong kitei ki nongialam jong ka Seiñ Kur Dkhar East Jaintia Hills District, ba la kdew kyrteng haneng, lane da kaba scan shaibha bad sa phah ia ki lyngbaka Email, “skd.ejhd@gmail.com,” lane ha k iWhatsApp Nos.,9615400135/ 7005208334,hapoh jong ka14th Nailar 2023.
Na ka bynta ki jingtip ba kham bniah halor katei ka phangba la kdewhaneg, ki lah ban phone ha kine ki Mobile Number: 9615400135/7005208334 na duh kapor 10:00AM haduh 10:00PM. La ong u bah M H Dkhar ha ka kywoh na ka seng.
