Yn pynlong jngiakop shad ka seng kur Dkhar  ha Eastside Inn ha ka sngi Saitjian ban wan

Shillong, Iaiong 01: Ka Seiñ Kur Dkhar East Jaintia Hills District, kan pynlong ia ka phate bd jingiakop shad ba shisngi jong ka ha Eastside Inn, Jaliyiah, East Jaintia Hills, ha ka 08.04.2023, naduh ka por 10:30AM haduh ka por 10:00PM mynmiet.

Na ka bynta ban pynmih pisa ban ioh shna ia ka iingtreikam ba pura jong ka seng, ia kaba la sdang shna iamynta ha ka shnong Mookhep, East Jaintia Hills na ka bynta ka jingbit jingbaing ka kut.

Ha kane ka Iew Khalai jong ka SKDEJHD, yn don shibun  ki iew ki hat ba har rukom naduh mynstep haduh mynmiet, kiba kynthup ia ka housie, ka iew die jaiñ die nep, ka iew die tiar die tar lem bad ka jingpyniakhalai nusip.

Ka jingiakop shad kan long ha ka por 7.00 baje shneng, bad ka ka jingshad kan long tang na ka bynta kiba shad marwei marwei bad kane kan long ia baroh kiba kwah ban ia shim bynta.

Ka khusnam ia ki nongjop ia ba wan ba nyngkong kan long T.7000/- tyngka, baa r T.4000/- tyngka bad balai kan long T.2000/- tyngka. Ia ki nongiashim bynta yn shah tang 20 ngut.

Kiba kwah ban iashim bynta, kin hap ban register kyrteng shuwa ia lade, da kaba phone ha kine ki number, kata, 9615400135 / 7005079043, naduh ka, 01.04.2023, kata naduh ka por 10.30AM haduh 9:00PM man ka sngi.

Yn shim kyrteng  tang ia kito ki nongiashim bynta kiba ioh applai shwa bad ba ia ka jingshim kyrteng  yn khang noh shisyndon marsyn dap 20 ngut ki nongapplai. Ka bai rung kan long T.200/- tyngka, kiba la ai kyrteng kimpoi sha Eastside Inn shuwa ka 7.00 baje, ia ka jingtip ba bniah phone sha ki number kiba la dep ban ai.

La kyrpad ia baroh ki parakur Dkhar kiba don ha kylleng sawsong ka Ri Jaiñtia, khamtam eh  ia ki parakur Dkhar kiba don ha East Jaintia Hills District, bad kumjuh ruh ia ki paralok  baieit  baroh ban ia pyllait por ban iawan shit rhem sha ktei ka iew khalai bad ka jingiakop shad ka SKDEJHD.

Kane ka jingiakop kan long ha ka sngi Saitjian ban wan, ka por bad ka jaka ba la kdew haneng, khnang ba katei ka jingthmu jong ka seng, kan long kaba phuh baphieng, kaba shongkun bad ruh kaba jop pura. Kane ka long kat kum u kyrwoh ba la pyllait da u Bah M H Dkhar, Ad. Genl. Secy. Seiñ Kur Dkhar East Jaintia Hills District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet