Shillong, Lber 29: Ka All Assam Media Employees Federation (AAMEF) kala pynpaw ia ka jingsngewsih kaba khraw namar ki trai jong ka kot khubor Bengoli kaba nyngkong na ka jylla Meghalaya ia kaba la tip kum ka ‘Sangbad Lahari’, yn khang khyrdep noh bad kane kan ktah palat ia ka 100 ngut ki nongtrei.
Ia kane ka jingpynbna la pynmih da ka S. Chaudhuri, general manager jong ka Shillong Times Pvt Ltd, Meghalaya ha ka 26 tarik mynta u bnai, ha kane ka jingpynbna la ong ba kane ka jingsangeh ban pynmih ia kane ka kot khubor kan long naduh ka 1tarik u bnai Iaiong.
Na ka liang jong ki bor ba pyniaid ia kane ka kot khubor kala tyrwa ban ai tulop shibnai kum ka jingiarap ia ki nongtrei . Ia kane ka kot khubor la sdang ban pynmih ha u snem 2009 ha Guwahati bad ia ka Shillong Editon pat la pynmih ha u snem 2011, ka dei tang kane ka kot khubor Bengoli kaba mih na kane ka jylla Meghalaya.(SP News)
