Shillong, Lber 09: U president jong ka KHNAM youth Wing u Bah Thomas Passah u la thoh sha u CEM jong ka KHADC u Bah PN Syiem ha kaba u la kdew ba ki don 19 ngut ki MDC kiba khlem ai ia ka Utilization Certificate ha kaba ia dei bad ka pisa kaba kila ioh ban pyndon kam na ka bynta ka Art and Culture.
Ha kane ka shithi la thoh ban a ka liang jong ka KHNAM State Youth Wing kala wad jingtip lymba ka RTI halor ka jinglait ei ka pisa jong ka Council ha u snem 2007-08, bad ka KHADC lymba ka jubab sha ka seng kala pyntip ba ka Council ka khlem khate ia ka VAT na ki 155 tylli ki work contracts naka bynta u snem 2007-08 kaba la wanrah ka jingduh nong ka bala kot haduh 8,05,756.31 Tyngka.
Ki MDC baroh ki la ioh ia ka Grand-in-Aid for Arts and Culture naka bynta u snem 2007-08, bad haduh 19 ngut ki MDC ki khlem pynbiang ia ka Utilisation Certificate na ka pisa kaba la kot haduh 2,66,000.00 tyngka. Ka seng ka pynpaw ka jingsngewkhia halor ka jingbym lah jong ka council ban pynbit pynbiang ia ka rukom lum, rukom buh bad ka rukom pyndon ia ka pisa u paidbah.
Ka KHADC ka la donkam kyrkieh ia ka jingpynkylla ha ka rukom shakri paidbah bad ka long kaba donkam bha ban wanrah kyrkieh ia ka Administrative reform ha ka KHADC. Ka seng ka kyntu ia phi ban wad tynrai halor ka jingbym biang ki jingkhien jingdiah kat kum ki mat ba la kdew haka para 1 (a) (b) haneng. La ong u Bah Thomas Passah ha ka khubor kaba la pynlait mynta ka sngi.
