Shillong, Naiwieng 06: Ki shipai BSF n
a ka 123 Bn kila pynlong ia ka jingai jinghikai ia ki samla ha khappud bad Bangladesh kumno ban kin ieng ha la ki jong ki kjat ha kaba ia dei bad ka kamai ka jih ia kane ka jinghikai la pynlong ha Bakur bad ha Dawki. Kum kine ki jinghikai la juh pynlong bun sien da ki BSF.
Na ka liang jong ki BSF kila pynlong ruh ia ka jingsam dawai ei ha kaba 400 ngut ki briew, kynthup ia ki long kmie long kpa, ki khynnah kila ioh ia ka jingsumar ha kane ka jingsam dawai ei.
Ki doctor kiba la leit ban sumar ia ki briew kiba la wan shim dawai ki don haduh 11 ngut. Ia kane ka kynhun jong ki doctor la ia lam da u Dr A C Bhardwajan, u ba dei u DIG jong ki doctor hapoh jong ki BSF. Kane ka jingsam dawai ei ka long ban ia rap ia kiba duk ba rangli kiba don ha khappud.
Ha ka jinghikai kumno ban pynlong ia ki briew ba kin lah ban ieng ha la ki jong ki kjat la ai ka jinghikai kaba shi bnai lynter ha ka kam mistri ia kaba la sdang ha ka saw tarik bad kan kut ha ka 30 tarik mynta u bnai. Baroh kiba la wan ban ia shim bynta ki don 16 ngut.
