Shillong, Iaiong 25: Ki pulit jong ka South Garo Hills District mar ia ioh jingtip kaba thikna ba ka don ka jingbuhrieh ia ki kuli ia kaba la suba ba dei jong ki lehnoh ha ka khlaw Chibokgre ha South Garo Hills District kaba hap hapoh ka jingpeit jong ka Chokpot Police Station.
Mar ia ioh ia kane ka jingtip kila leit sha katei ka jaka ha ka por 1.15 baje shiteng synia mynta ka sngi ia kaba la ialam da u SDPO jong kaChokpot bad ia kaba la synran lang da u Circle Inspector sardar ba dei u OC jong ka Chokpot bad ka kynhun pulit .
Ha kane ka jingwat ynda dap kumba 3.27 baje mynstep munta ka sngi kila lap ia kine ki kuli kiba la tep ha khyndew na katei ka khlaw Chibokgre, ia kine ki kuli la kurup noh da ki pulit jong ka Chokpot ha ka jingdon lang ki nongsakhi.
Ki kuli kiba la ioh ban kurup ki long 340 tylli ki kuli ban sait ia ki liengsuin bad saw tylli ki synduk thep kuli. Ka jingioh jingtip ki pulit halor ka jingdon kine ki kuli ha katei ka jaka na liang na ki la jingtip kiba thikna.
